സമൂഹമാധ്യമങ്ങളിൽ പങ്കുവെയ്ക്കുന്ന ചിത്രങ്ങൾക്ക് താഴെ സദാചാര കമന്റുമായി വരുന്നവർക്ക് കിടിലൻ മറുപടി നൽകി നടി അമേയ മാത്യു. തന്റെ ഏറ്റവും പുതിയ ചിത്രത്തിന് നൽകിയ അടിക്കുറിപ്പിലാണ് നടി സദാചാരവാദികളെ ചോദ്യം ചെയ്യുന്നത്.
ഇൻസ്റ്റഗ്രാമിൽ പങ്കുവെച്ച ചിത്രത്തിന് #സദാചാരം, ഒരു പെണ്ണിന്റെ മാറിലെ തുണി ഒരല്പം മാറി കിടന്നാൽ ഒന്ന് കണ്ണോടിക്കാത്ത സദാചാര വാദികൾ ആരേലും ഇന്നീ നാട്ടിലുണ്ടോ? എന്ന ക്യാപ്‌ഷനാണ് നടി നൽകിയിരിക്കുന്നത്. നിറയെ കമന്റുകളാണ് ചിത്രത്തിന് കീഴിൽ വന്നിരിക്കുന്നത്.
ഒരു പഴയ ബോംബ് കഥ, ആട്‌ 2 എന്നീ ചിത്രങ്ങളിലൂടെ ശ്രദ്ധേയയായ താരമാണ് അമേയ. വൂൾഫ്,ദ പ്രീസ്റ്റ് തുടങ്ങിയ സിനിമകളാണ് നടിയുടേതായി ഏറ്റവും അവസാനം റിലീസ് ചെയ്‌ത ചിത്രങ്ങൾ.
