അനുരാഗ കരിക്കിന്‍ വെള്ളം എന്ന ചിത്രത്തിലൂടെ വരവറിയിച്ച രജീഷ വിജയന് പിന്നീട് തിരിഞ്ഞുനോക്കേണ്ടി വന്നിട്ടില്ല. കൈനിറയെ ചിത്രങ്ങളാണ് താരത്തിന്. തെലുങ്കില്‍ രാമറാവു ഓണ്‍ ഡ്യൂട്ടി എന്ന ചിത്രത്തിലൂടെ അരങ്ങേറ്റം കുറച്ചു. തമിഴിലും സജീവം.ചുവപ്പ് നിറത്തിലുള്ള ഷോര്‍ട്ട് ഫ്രോക്കില്‍ ഫോട്ടോഷൂട്ട് നടത്തിയിരിക്കുകയാണ് നടി.
സാമ്‌സണ്‍ ലി ആണ് ഹെയര്‍ ആന്‍ഡ് മേക്കപ്പ് ചെയ്തിരിക്കുന്നത്. ഷാഫി ഷക്കീര്‍ ആണ് ചിത്രങ്ങള്‍ പകര്‍ത്തിയിരിക്കുന്നത്.
നടിയുടെ വിജയകരമായി പ്രദര്‍ശനം തുടരുന്ന മലയാള ചിത്രമാണ് മധുരം മനോഹരം മോഹം.ഫ്രീഡം ഫൈറ്റ്, മലയന്‍കുഞ്ഞ്, ലവ്ഫുള്ളി യുവേഴ്‌സ് വേദ, പകലും പാതിരാവും തുടങ്ങിയ സിനിമകളിലാണ് താരത്തെ ഒടുവില്‍ കണ്ടത്.അമല എന്ന ചിത്രമാണ് ഇനി വരാനിരിക്കുന്നത്.
കര്‍ണന്‍ എന്ന ചിത്രത്തിലൂടെ തമിഴില്‍ അരങ്ങേറ്റം കുറിച്ച് നടി ജയ് ഭീം, സര്‍ദാര്‍ തുടങ്ങിയ സിനിമകളിലും അഭിനയിച്ചു.
