തങ്ങളുടെ വിവാഹം കഴിഞ്ഞിട്ടില്ലെന്ന് തെന്നിന്ത്യന്‍ താരങ്ങളായ സിദ്ധാര്‍ത്ഥം അതിഥി റാവുവും

തങ്ങളുടെ വിവാഹം കഴിഞ്ഞിട്ടില്ലെന്ന് തെന്നിന്ത്യന്‍ താരങ്ങളായ സിദ്ധാര്‍ത്ഥം അതിഥി റാവുവും. ഇരുവരും വിവാഹിതരായി എന്ന തരത്തിലുള്ള വാര്‍ത്തകള്‍ നേരത്തെ റിപ്പോര്‍ട്ട് ചെയ്തിരുന്നു. എന്നാല്‍ ഇത് വിവാഹമല്ലെന്നും വിവാഹനിശ്ചയമാണ് കഴിഞ്ഞതെന്നുമാണ് താരങ്ങള്‍ വ്യക്തമാക്കിയത്. അവന്‍ എസ് പറഞ്ഞു എന്ന കുറിപ്പോടെയാണ് അതിഥി കൈകളില്‍ മോതിരം അണിഞ്ഞ ചിത്രം സോഷ്യല്‍ മീഡിയയില്‍ പങ്കുവെച്ചത്.

നിരവധിപേര്‍ താരങ്ങള്‍ക്ക് ആശംസകളുമായി എത്തി. ഇരുവരും ഏറെക്കാലമായി ലിവിങ് ടുഗതെര്‍ ബന്ധത്തിലായിരുന്നു. 2021 ല്‍ പുറത്തിറങ്ങിയ മഹാസമുദ്രം എന്ന സിനിമയിലൂടെയാണ് ഇരുവരും പരസ്പരം പരിചയപ്പെടുന്നത്. തെലുങ്കാനയിലെ ശ്രീരംഗപുരം ക്ഷേത്രത്തില്‍ വച്ചായിരുന്നു ഇരുവരുടെയും വിവാഹം കഴിഞ്ഞതെന്നാണ് കഴിഞ്ഞദിവസം പുറത്തുവന്ന വാര്‍ത്തകള്‍.