#HBDThalaAjith ട്വിറ്ററില്‍ ട്രെന്‍ഡായി ഹാഷ്ടാഗ്, അജിത്തിന് ഇന്ന് 50-ാംപിറന്നാള്‍, ആശംസകളുമായി സംഗീതസംവിധായകന്‍ ഡി ഇമ്മന്‍

അജിത്തിന്റെ അന്‍പതാമത്തെ ജന്മദിനം ആഘോഷിക്കുകയാണ് തമിഴ് സിനിമ ലോകം. രാവിലെ മുതലേ ട്വിറ്ററില്‍ #AjithKumar #HBDThalaAjith എന്നീ ഹാഷ്ടാഗുകള്‍ ട്രെന്‍ഡിങ് ആണ്. സോഷ്യല്‍ മീഡിയകളിലൂടെ ആശംസാ പ്രവാഹമാണ് ആരാധകരുടെ ആരാധകരുടെ ഭാഗത്തുനിന്ന് വന്നുകൊണ്ടിരിക്കുന്നത്. പ്രശസ്ത സംഗീത സംവിധായകന്‍ ഡി ഇമ്മന്‍ അജിത്തിന് നേര്‍ന്ന ആശംസയാണ് ശ്രദ്ധ നേടുന്നത്.

'ഞങ്ങളുടെ പ്രിയ അജിത്ത് സാര്‍.നിങ്ങള്‍ക്ക് സന്തോഷവും സമാധാനവും മാത്രം നേരുന്നു.സര്‍വ്വശക്തനായ ദൈവം തന്റെ ഏറ്റവും നല്ല അനുഗ്രഹങ്ങള്‍ നിങ്ങളുടെമേല്‍ ചൊരിയട്ടെ'- ഡി.ഇമ്മന്‍ ട്വീറ്റ് ചെയ്തു.

അതേസമയം വലിമൈ അപ്‌ഡേറ്റ് ഇന്നു വരുമെന്ന് നിര്‍മാതാക്കള്‍ പ്രഖ്യാപിച്ചിരുന്നെങ്കിലും. ഫസ്റ്റ് ലുക്ക് ഉള്‍പ്പെടെയുള്ള വിവരങ്ങള്‍ ഇന്ന് പുറത്തു വരില്ല. രാജ്യത്തെ കോവിഡ് പ്രതിസന്ധി കണക്കിലെടുത്താണ് അണിയറ പ്രവര്‍ത്തകര്‍ ഈ തീരുമാനത്തിലെത്തിയത്.