ജനപ്രിയ ടിവി നടിയും ബിഗ് ബോസ് 4 ജേതാവുമായ ശ്വേത തിവാരി തന്റെ ഇൻസ്റ്റാഗ്രാം അക്കൗണ്ടിൽ ചില സിസിടിവി ദൃശ്യങ്ങൾ പങ്കുവെച്ചു. ഇപ്പോൾ അകന്നുകഴിയുന്ന ഭർത്താവ് അഭിനവ് കോഹ്‌ലി തന്നെയും മകനെയും ശാരീരികമായി ഉപദ്രവിക്കുന്നത്തിൻറെ ദൃശ്യങ്ങളാണ് ശ്വേത പങ്കുവച്ചത്.
കേപ് ടൗണിൽ വച്ച് ഖത്രോൺ കെ ഖിലാഡി 11ന്റെ ചിത്രീകരണത്തിനായി പുറത്തിറങ്ങുന്നതിനിടെ ശ്വേത മകനെ ഹോട്ടൽ മുറിയിൽ തനിച്ചാക്കിയിട്ട് പോയെന്ന് കഴിഞ്ഞ ദിവസം അഭിനവ് കോഹ്‌ലി ആരോപിച്ചിരുന്നു. ഇതിന് മറുപടിയായാണ് തന്നെയും മകനെയും ഭർത്താവ് ഉപദ്രവിക്കുന്നതിൻറെ ദൃശ്യങ്ങൾ ശ്വേത പുറത്തുവിട്ടത്.
"ഇതുകൊണ്ടാണ് എന്റെ കുട്ടി അയാളെ ഭയപ്പെടുന്നത്! ഈ സംഭവത്തിന് ശേഷം എന്റെ കുട്ടി ഒരു മാസത്തിലേറെയായി ഭയപ്പെട്ടു, രാത്രിയിൽ ശരിയായി ഉറങ്ങാൻ പോലും കഴിയാത്തവിധം അവൻ ഭയപ്പെട്ടു! രണ്ടാഴ്ചയിലേറെ അവന്റെ കൈ വേദനിച്ചു. ഇപ്പോൾ പോലും അവൻ പപ്പാ വീട്ടിൽ വരുന്നതിനോ അവനെ കണ്ടുമുട്ടുന്നതിനോ ഭയപ്പെടുന്നു. ഈ മാനസിക ആഘാതത്തിലൂടെ എന്റെ കുട്ടി കടന്നുപോകുന്നത് അനുവദിക്കാൻ എനിക്ക് കഴിയില്ല.. അവനെ ശാന്തമായും സന്തോഷത്തോടെയും നിലനിർത്താൻ ഞാൻ പരമാവധി ശ്രമിക്കുന്നു! എന്നാൽ അയാൾ എന്റെ കുഞ്ഞിന്റെ മാനസികാരോഗ്യം തകർക്കാൻ ശ്രമിക്കുകയാണ്! ഇത് ശാരീരിക പീഡനമല്ലെങ്കിൽ പിന്നെ എന്താണ് !!!! ??
നിങ്ങൾ ഈ കണ്ടത് എന്റെ കമ്യൂണിറ്റിയിൽ നിന്നുള്ള സിസിടിവി ദൃശ്യങ്ങളാണ്".
