സംവിധായകന്‍ എസ്.യു അരുണ്‍ കുമാര്‍ ചിയാന്‍ വിക്രമിനൊപ്പം പുതിയ ചിത്രത്തിനായി കൈകോര്‍ക്കുന്നു.'ചിയാന്‍ 62' എന്ന് താല്‍ക്കാലികമായി പേരിട്ടിരിക്കുന്ന സിനിമയ്ക്ക് ജിവി പ്രകാശ് സംഗീതം ഒരുക്കുന്നു. സംവിധായകനും നടനുമായ എസ് ജെ സൂര്യയും ടീമിനൊപ്പം ചേര്‍ന്നു.
റിയ ഷിബുവിന്റെ എച്ച്ആര്‍ പിക്ചേഴ്സാണ് 'ചിയാന്‍ 62' നിര്‍മ്മിക്കുന്നത്. കഴിഞ്ഞ വര്‍ഷം ഒക്ടോബറില്‍ നിര്‍മ്മാതാക്കള്‍ പ്രഖ്യാപന വീഡിയോ പുറത്തിറക്കിയിരുന്നു.
എസ്.യു അരുണ്‍ കുമാറാണ് ചിത്രം സംവിധാനം ചെയ്യുന്നത്.'ചിറ്റാ'എന്ന ചിത്രത്തിനു ശേഷം അരുണ്‍കുമാര്‍ എത്തുമ്പോള്‍ വലിയ പ്രതീക്ഷകള്‍ ഉണ്ട് സിനിമ പ്രേമികള്‍ക്ക്.വിക്രമും അരുണ്‍ കുമാറും ആദ്യമായി ഒന്നിക്കുന്ന ചിത്രമാണിത്.
'ചിയാന്‍ 62' പ്രീപ്രൊഡക്ഷന്‍ ജോലികള്‍ പുരോഗമിക്കുകയാണ്.
