3.4 ബജറ്റിൽ നിർമ്മിച്ച 'ക്ലാസ്മേറ്റ്സ്' ആകെ നേടിയ കളക്ഷൻ എത്ര ?

ക്യാമ്പസുകളിലെ യുവമനസ്സുകൾ ആഘോഷമാക്കിയ ലാൽജോസ് ചിത്രം 2006 ആഗസ്റ്റ് ഇരുപത്തിയഞ്ചാം തീയതിയാണ് ചിത്രം തിയേറ്ററുകളിലെത്തിയത്. പൃഥ്വിരാജും ജയസൂര്യയും ഇന്ദ്രജിത്തും നരേനും കാവ്യാമാധവനും രാധികയുമൊക്കെ അണിനിരന്ന ഈ ചിത്രം ഇന്നും മലയാളികളുടെ മനസ്സിൽ ഉണ്ട്. ജയിംസ് ആൽബർട്ടിൻറെ തിരക്കഥയിൽ പിറന്ന ചിത്രം നമ്മളെയെല്ലാം പഴയ കോളേജ് ലൈഫിലേക്കും കൂട്ടുകാരുടെ ഇടയിലേക്കും അറിയാതെ കൂട്ടിക്കൊണ്ടുപോകും.

ഇണക്കവും പിണക്കവും പ്രണയവും വിരഹവും കാലങ്ങൾക്കു ശേഷമുള്ള ഒത്തുചേരലും എല്ലാം ചേർന്ന് ഒരു ത്രില്ലർ ചിത്രമായിരുന്നു ക്ലാസ്മേറ്റ്സ്.3.4 ബജറ്റിൽ നിർമ്മിച്ച ചിത്രം ഇരുപത്തിയഞ്ച് കോടിയിൽ രൂപയോളം കളക്ഷൻ നേടി.

സിനിമ ഇറങ്ങിയ സമയത്ത് കുട്ടികൾ മുതൽ മുതിർന്നവർ വരെ പാടി നടന്ന പാട്ടായിരുന്നു 'എൻറെ ഖൽബിലെ വെണ്ണിലാവു നീ നല്ല പാട്ടുകാരാ'. റസിയയുടെയും മുരളിയുടെയും ആരോടും പറയാത്ത ഇഷ്ടം പാട്ടിലൂടെ മുരളി പാടുമ്പോൾ കേൾവിക്കാരിലൊരാളായി റസിയ അവിടെ ഇരിക്കുന്നുണ്ടായിരുന്നു. സുകുമാരനും, സതീശൻ കഞ്ഞിക്കുഴിയും, താരയും വാൽ വാസുവും ഒക്കെ ചലച്ചിത്രആസ്വാദകരുടെ മനസ്സിൽ മായാതെ ഇന്നും ഉണ്ട്. അടുത്തിടെ ക്ലാസ്മേറ്റ് ഓർമ്മകൾ പുതുക്കിക്കൊണ്ട് പൃഥ്വിരാജും ഇന്ദ്രജിത്തും നരേനും ജയസൂര്യയും എത്തിയിരുന്നു.