'ജൂണ്‍ ആയാലും ജാഗ്രത കൈവിടരുത്', കളക്ടറുടെ പോസ്റ്റര്‍ ഏറ്റെടുത്ത് രജീഷ വിജയന്‍

രാജ്യം കോവിഡിനെതിരെ പോരാടുകയാണ്. ജൂണ്‍ ആയാലും ജാഗ്രത കൈവിടരുത് എന്ന് ഓര്‍മ്മിപ്പിച്ചു കൊണ്ട് കോഴിക്കോട് ജില്ലാ കളക്ടര്‍ പങ്കുവെച്ച പോസ്റ്റര്‍ ഏറ്റെടുത്തിരിക്കുകയാണ് നടി രജീഷ വിജയന്‍. 'കൈവിടരുത്' എന്നാണ് നടി കുറിച്ചത്. ആളുകളെ ആകര്‍ഷിക്കാനായി പലതരത്തിലുള്ള പ്രചാരണങ്ങളാണ് സര്‍ക്കാര്‍ പുറത്തിറക്കുന്നത്. അത്തരത്തില്‍ ജൂണ്‍ സിനിമയിലെ ജോജു ജോര്‍ജ്, രജീഷ വിജയന്‍, അശ്വതി മേനോന്‍ എന്നിവരുടെ കഥാപാത്രങ്ങളെയാണ് പോസ്റ്ററില്‍ കാണാനാകുന്നത്.

2019 ഫെബ്രുവരി 15-ന് പുറത്തിറങ്ങിയ സിനിമയുടെ രണ്ടാം വാര്‍ഷികം നിര്‍മ്മാതാക്കള്‍ ആഘോഷം ആക്കിയിരുന്നു.'മധുരം' സെറ്റില്‍ വെച്ചായിരുന്നു സംവിധായകന്‍ അഹമ്മദ് കബീറും ജോജു ജോര്‍ജും രണ്ടാം വാര്‍ഷികം ആഘോഷിച്ചത്.

കര്‍ണന്‍ എന്ന ചിത്രമാണ് രജീഷ വിജയന്റെ ഒടുവിലായി പ്രേക്ഷകരിലേക്ക് എത്തിയത്.