കെട്ടാന്‍ മുട്ടി നില്‍ക്കുകയായിരുന്നു ഞാന്‍, ഞങ്ങളുടെ ജീവിതത്തില്‍ ആരും ഇടപെടരുത്: ദിയ കൃഷ്ണ

എന്റെ വ്‌ലോഗും ബിസിനസും ലൈഫുമായി പോകുന്നു. എനിക്ക് വേണ്ടത് എന്റെ ഭര്‍ത്താവും കുട്ടികളുമാണ്

ദിയ കൃഷ്ണ- അശ്വിന്‍ ഗണേഷ് വിശേഷങ്ങള്‍ അറിയുവാന്‍ ആരാധകര്‍ക്ക് വലിയ ഇഷ്ടമാണ്. പ്രണയകാലം കഴിഞ്ഞ് ഇരുവരും സെപ്റ്റംബറില്‍ വിവാഹിതരാകാന്‍ പോകുകയാണ്. വീട്ടില്‍ ഒരുക്കങ്ങള്‍ എല്ലാം തുടങ്ങി കഴിഞ്ഞു. അതിനിടയില്‍ ഒരു അഭിമുഖത്തിനിടയില്‍ ദിയ പറഞ്ഞ കാര്യങ്ങളാണ് സാമൂഹ്യ മാധ്യമങ്ങളില്‍ ശ്രദ്ധ നേടുന്നത്.

'എല്ലാവര്‍ക്കും അറിയാമായിരുന്നു. അയല്‍വക്കത്തെ ആന്റിമാര്‍ക്ക് വരെ അറിയാമായിരുന്നു എന്ന് തോന്നുന്നു. ഏറ്റവും കൂടുതല്‍ ചാട്ടം എനിക്ക് തന്നെ ആയിരുന്നു. കെട്ടാന്‍ വേണ്ടി മുട്ടിക്കിടക്കുകയായിരുന്നു ഞാന്‍. വിവാഹം ചെയ്യാനും കുട്ടികളുണ്ടാകാനും വീട്ടില്‍ എനിക്കായിരുന്നു ഏറ്റവും താല്‍പര്യം. ഉന്നാലേ... എന്ന ഗാനത്തിലേത് പോലെ. ആ പാട്ടില്‍ ഒരു ഷോട്ടില്‍ അവര്‍ ഗര്‍ഭിണിയും അടുത്ത ഷോട്ടില്‍ കൊച്ച് വരും. ആ പെട്ടെന്നുള്ള വൈബ് ആണ് ഞാന്‍ ഉദ്ദേശിക്കുന്നത്.എനിക്ക് ആ ലൈഫാണ് എനിക്കിഷ്ടം. എല്ലാവരും എന്നെ ശ്രദ്ധിക്കണം എന്നൊന്നും എനിക്കില്ല.

എന്റെ വ്‌ലോഗും ബിസിനസും ലൈഫുമായി പോകുന്നു. എനിക്ക് വേണ്ടത് എന്റെ ഭര്‍ത്താവും കുട്ടികളുമാണ്. എന്റെയടുത്ത് വേറാരും ഒരു സംസാരത്തിനും വരണ്ട. ഞങ്ങളുടെ ലോകം. എന്റെ ഫാമിലിയുടെ സൈഡില്‍ നിന്നും ആരും എന്റെ കൊച്ചിന്റെ കാര്യത്തില്‍ ഇടപെടരുത്. അശ്വിന്റെ കുടുംബത്തില്‍ നിന്നും ആരും ഇടപെടരുത്.ഞങ്ങളുടെ ജീവിതം ഞങ്ങള്‍ തീരുമാനിക്കണം',- ദിയ കൃഷ്ണ പറഞ്ഞു.