രാജ്യത്തുടനീളമുള്ള തിയേറ്ററുകള്‍ ഇപ്പോഴും അടഞ്ഞുകിടക്കുകയാണ്. ചില തെലുങ്ക് സിനിമകള്‍ ഒടിടി റിലീസിന് ഒരുങ്ങുകയാണ്. കൂട്ടത്തില്‍ മലയാളം ചിത്രം ദൃശ്യം 2- ന്റെ തെലുങ്ക് റീമേക്കും ഒടിടി റിലീസ് ചെയ്യുമെന്നാണ് റിപ്പോര്‍ട്ടുകള്‍. ജിത്തു ജോസഫ് സംവിധാനം ചെയ്യുന്ന ചിത്രത്തില്‍ വെങ്കിടേഷ്, മീന, നാദിയ മൊയ്തു എന്നിവരാണ് പ്രധാന വേഷങ്ങളില്‍ എത്തുന്നത് .
ടോളിവുഡ് താരം വെങ്കിടേഷിന്റെ രണ്ട് ചിത്രങ്ങളാണ് ഒടിടി റിലീസ് ചെയ്യാന്‍ തീരുമാനിച്ചിരിക്കുന്നത് എന്നാണ് വിവരം. 'നാരപ്പ'എന്നൊരു സിനിമയും ദൃശ്യം 2 റീമേക്കുമാണ് അദ്ദേഹത്തിന്റെതായി പുറത്തുവന്നിരിക്കുന്നത്. തമിഴ് ചിത്രം അസുരന്റെ റീമേക്കാണ് 'നാരപ്പ'. പ്രിയാമണിയാണ് നായിക.രണ്ടു ചിത്രങ്ങള്‍ക്കും കൂടി 70 കോടിയ്ക്ക് വിറ്റു പോയി എന്നാണ് റിപ്പോര്‍ട്ടുകള്‍.
