നടന്‍ ബിനു അടിമാലിയ്ക്കെതിരെ വലിയ ആരോപണങ്ങളാണ് കഴിഞ്ഞ ദിവസങ്ങളില്‍ ഉയര്‍ന്നുവന്നത്. മരിച്ചു പോയ സുധിയുടെ വീട്ടില്‍ പോയി ബിനു പ്രഹസനം കാണിച്ചു എന്നതായിരുന്നു അതിലൊന്ന്. ഇതിന് മറുപടി നല്‍കിയിരിക്കുകയാണ് ബിനു അടിമാലി.
'അപകടം കഴിഞ്ഞ് മൂന്നുമാസത്തോളം വിശ്രമിക്കണമെന്നാണ് ഡോക്ടര്‍ നിര്‍ദ്ദേശിച്ചതിന് അനുസരിച്ചാണ് വാക്കറില്‍ നടന്നിരുന്നത്. എന്റെ കാലിന് ലിഗ്മെന്റ് പ്രശ്നം നേരത്തെ തന്നെയുണ്ട്. അത് സ്റ്റാര്‍ മാജിക്കിലും പറഞ്ഞിട്ടുള്ളതാണ്. അതുകൊണ്ടാണ് പല ഗെയിമുകളും കളിക്കാന്‍ പറ്റാത്തത്.മരിച്ചു പോയ സുധിയുടെ വീട്ടില്‍ പോയി ഞാന്‍ പ്രഹസനം കാണിച്ചു എന്ന് പറയുന്നത് ശരിയല്ല. എന്റെ വയ്യാത്ത മകളുടെ തലയില്‍ തൊട്ട് സത്യം ചെയ്യാം ഞാന്‍ തെറ്റ് ചെയ്തിട്ടില്ല',- ബിനു അടിമാലി പറഞ്ഞു.
മൂവി വേള്‍ഡിന് നല്‍കിയ അഭിമുഖത്തിലാണ് ബിനു അടിമാലി ആരോപണങ്ങള്‍ക്ക് എല്ലാം മറുപടി നല്‍കിയത്.
