തൊണ്ണൂറുകളിൽ മികച്ച കഥാപാത്രങ്ങളെ അവതരിപ്പിച്ച് സിനിമയിൽ തിളങ്ങി നിന്ന നായികയാണ് ഇന്ദ്രജ. 2005-ല്‍ പുറത്തിറങ്ങിയ ‘ബെന്‍ ജോണ്‍സണ്‍’ എന്ന ചിത്രത്തിലെ നായിക വേഷമാണ് ഒടുവിലായി ശ്രദ്ധിക്കപ്പെട്ട ഇന്ദ്രജയുടെ ചിത്രം. നീണ്ട ഒരിടവേളയ്ക്ക് ശേഷം തന്റെ ആഗ്രഹങ്ങൾ തുറന്നു പറഞ്ഞ് രംഗത്ത് വന്നിരിക്കുകയാണ് താരം.
‘ഒരു ഡ്രീം റോളിനെക്കുറിച്ച്‌ ചിന്തിക്കുന്ന രീതിയില്‍ വലിയ ഒരു നടിയല്ല ഞാന്‍, ഇനിയും ഒരുപാട് വേഷങ്ങള്‍ ചെയ്യാനുണ്ട്, ഉര്‍വശി ചേച്ചിയോടൊക്കെ വേണമെങ്കില്‍ ഡ്രീം റോളിനെക്കുറിച്ച്‌ ചോദിക്കാം, എനിക്ക് ഇനിയും നിരവധി കഥാപാത്രങ്ങള്‍ ചെയ്യാനുണ്ട്‘. കൈരളി ടിവിയിലെ ജെബി ജംഗ്ഷനില്‍ സംസാരിക്കവേ ഇന്ദ്രജ വ്യക്തമാക്കുന്നു.
‘ഞാന്‍ മുന്‍പൊക്കെ അഭിനയിക്കുന്ന സമയത്ത് സിനിമാ ലൊക്കേഷനുകളില്‍ സൗകര്യങ്ങള്‍ വളരെ പരിമിതമായിരുന്നു. പക്ഷേ, ഇന്ന് എന്നെ സിനിമയിലേക്ക് വിളിക്കുമ്ബോള്‍ കാരവന്‍ ഉള്‍പ്പടെ എല്ലാ സൗകര്യങ്ങളും ചോദിക്കും. അത് എന്നിലെ നടിയുടെ പൊങ്ങച്ചം കാണിക്കാനല്ല, എന്‍റെ കംഫര്‍ട്ടിന് വേണ്ടിയാണ്.’- ഇന്ദ്രജ പറയുന്നു.
