സൂപ്പർ താരങ്ങളുടെ ഫൈറ്റിന് വേണ്ടത് ഒരാഴ്‌ച, എന്റെ ഫൈറ്റിന് അരദിവസം: ജഗദീഷ് പറയുന്നു

മലയാള സിനിമയിലെ ഹാസ്യതാരങ്ങളുടെ ലിസ്‌റ്റ് നോക്കിയാൽ ജഗദീഷ് എന്ന നടൻ മുൻനിരയിൽ തന്നെയുണ്ടാകും. ഔദ്യോഗിക പ്രൊഫഷൻ പ്രൊഫസർ ആണെങ്കിലും സിനിമയിൽ എത്തിയതിൽ തിളങ്ങിയ താരം തന്നെയാണ് ജഗദീഷ്. അദ്യ കാലങ്ങളിൽ നടനായി നിരവധി ചിത്രങ്ങൾ പ്രേക്ഷകർക്ക് സമ്മാനിച്ചു.

പിന്നീട് മികച്ച കോമഡികളിലൂടെ പ്രേക്ഷക ഹൃദയം കീഴടക്കി. താന്‍ നായകനായ സിനിമകള്‍ കൂടുതലും ലോ ബജറ്റില്‍ ചെയ്ത സിനിമകള്‍ ആണെന്നും, അത് കൊണ്ട് തന്നെ സാമ്പത്തികമായി പല സിനിമകളും നഷ്ടം വന്നിട്ടില്ലെന്നും ഒരു ടിവി അഭിമുഖത്തിൽ ജഗദീഷ് വ്യക്തമാക്കിയിരിക്കുകയാണ്.

‘സൂപ്പര്‍ താരത്തിന്റെ ഒരു സിനിമയിലെ ഫൈറ്റ് രംഗം ചെയ്യാന്‍ ആഴ്ചകള്‍ എടുക്കുമ്പോൾ എന്റെ സിനിമയിലെ ഫൈറ്റ് രംഗത്തിനു വേണ്ടത് അര ദിവസമാണ്. അവരുടെ സിനിമകളിലെ ഗാനങ്ങള്‍ ദിവസങ്ങളെടുത്തു ചിത്രീകരിക്കുമ്പോൾ ഞാന്‍ അഭിനയിക്കുന്ന സിനിമയിലെ ഗാനരംഗം ഒറ്റ ദിവസം കൊണ്ട് തീര്‍ക്കും.

ഞാന്‍ നായകനായ എല്ലാ സിനിമകളും മൂന്നാഴ്ചയ്ക്കുള്ളില്‍ ചിത്രീകരണം പൂര്‍ത്തിയായവയാണ് അത് കൊണ്ട് തന്നെ മറ്റു സിനിമകളെ അപേക്ഷിച്ച്‌ സാമ്പത്തികമായി ഏറെ നേട്ടമാണ് ഉണ്ടായതെന്നും ജഗദീഷ് പറയുന്നു.