ദീപാവലി ആഘോഷമാക്കാന്‍ ആയി രണ്ട് തമിഴ് ചിത്രങ്ങളാണ് പ്രദര്‍ശനത്തിന് എത്തിയത്.കാര്‍ത്തിക് സുബ്ബരാജ് സംവിധാനം ചെയ്ത ജിഗര്‍തണ്ഡ ഡബിള്‍ എക്‌സും കാര്‍ത്തിയുടെ ജപ്പാനും കഴിഞ്ഞ ദിവസം റിലീസായി. ദീപാവലിക്ക് എത്തിയ രണ്ട് ചിത്രങ്ങളും വലിയ ഓപ്പണിംഗ്
നേടിയിട്ടില്ലെന്നാണ് റിപ്പോര്‍ട്ടുകള്‍.
ഇന്ത്യന്‍ ബോക്‌സ് ഓഫീസില്‍ നിന്ന് ജപ്പാന്‍ ആദ്യദിനത്തില്‍ 2.4 കോടി രൂപയാണ് നേടിയതെന്നാണ് റിപ്പോര്‍ട്ടുകള്‍.വാരന്ത്യത്തില്‍ കൂടുതല്‍ കളക്ഷന്‍ നേടാന്‍ ആകുമെന്ന് പ്രതീക്ഷയിലാണ് നിര്‍മാതാക്കള്‍.
റിലീസ് ദിവസം ജിഗര്‍തണ്ഡ ഡബിള്‍ എക്‌സ് ആഭ്യന്തര ബോക്‌സ് ഓഫീസില്‍ നിന്ന് നേടിയത് രണ്ടു കോടിയാണ്. ചിത്രത്തിലെ മികച്ച മൗത്ത് പബ്ലിസിറ്റി കിട്ടിയിട്ടുമുണ്ട്. വൈകാതെ തന്നെ മികച്ച കളക്ഷനിലേക്ക് സിനിമ കുതിക്കും എന്ന് ഉറപ്പാണ്.
ജിഗര്‍തണ്ഡ ഡബിള്‍ എക്‌സിന് റിലീസ് ദിനത്തില്‍ 26.27% തീയറ്റര്‍ ഒക്യൂപെന്‍സിയാണ് ലഭിച്ചത്. ജപ്പാന്‍ സിനിമയ്ക്ക് ആകട്ടെ 25.42% തീയറ്റര്‍ ഒക്യൂപെന്‍സിയാണ് കിട്ടിയത്.
