സംവിധായകന് കാര്‍ത്തിക് സുബ്ബരാജ് തന്റെ 38-ാം ജന്മദിനം ആഘോഷിക്കുകയാണ്. അദ്ദേഹത്തിന്റെ ആരാധകരും തമിഴകത്തെ താരങ്ങളും ആശംസകളുമായി എത്തി. ഇപ്പോഴിതാ മോളിവുഡില്‍ നിന്ന് തന്റെ പ്രിയപ്പെട്ട സംവിധായകന് ആശംസകള്‍ അറിയിച്ചിരിക്കുകയാണ് ജോജു ജോര്‍ജ്. 'പ്രിയപ്പെട്ട കാര്‍ത്തിയ്ക്ക് ജന്മദിനാശംസകള്‍'- നടന്‍ കുറിച്ചു.
സംവിധായകനൊപ്പം തമിഴില്‍ 'ജഗമേ തന്തിരം' എന്ന ചിത്രത്തില്‍ ജോജു അഭിനയിച്ചിരുന്നു. ധനുഷ് നായകനായി എത്തുന്ന ചിത്രത്തില്‍ ഐശ്വര്യ ലക്ഷ്മിയാണ് നായിക. അതേസമയം 'ചിയാന്‍ 60' എന്ന സിനിമയുടെ ഷൂട്ടിംഗ് തിരക്കിലാണ്. വിക്രം- സിമ്രാന്‍ വീണ്ടും ഒന്നിക്കുന്ന ഗ്യാങ്സ്റ്റര്‍ ത്രില്ലറാണ് ഈ ചിത്രം. ധ്രുവ് വിക്രം ശ്രദ്ധേയമായ വേഷത്തില്‍ എത്തുന്നുണ്ട്. വിക്രമും ധ്രുവും ആദ്യമായിട്ടാണ് സ്‌ക്രീന്‍ സ്‌പേസ് പങ്കിടുന്നത്.