'അരണ്‍മനൈ 4' വിജയകരമായി പ്രദര്‍ശനം തുടരുകയാണ്. ബോക്സ് ഓഫീസില്‍ മികച്ച പ്രകടനം കാഴ്ചവയ്ക്കുന്ന ചിത്രം ആറാം ദിവസത്തിലും നേട്ടം കൊയ്തു. 26.20 കോടി രൂപയാണ് ഇന്ത്യന്‍ ബോക്സ് ഓഫീസില്‍ നിന്ന് സിനിമ നേടിയത്.ആറാം ദിവസത്തെ ബോക്സ് ഓഫീസ് കളക്ഷനും തീയറ്ററുകളിലെ ഒക്യുപന്‍സി വിവരങ്ങളും പുറത്തുവന്നു.
ആറാമത്തെ ദിവസത്തെ കളക്ഷന്റെ ആദ്യ കണക്കുകളാണ് പുറത്തുവന്നിരിക്കുന്നത്. റിപ്പോര്‍ട്ടുകള്‍ പ്രകാരം മൂന്ന് കോടിയാണ് ഇന്ത്യന്‍ ബോക്സ് ഓഫീസില്‍ നിന്ന് സിനിമ നേടിയത്.മെയ് 08 ബുധനാഴ്ച ചിത്രത്തിന് 23.5 9 ശതമാനം ഒക്യുപന്‍സി തമിഴ്‌നാട്ടിലെ തിയറ്ററുകളില്‍ ലഭിച്ചിരുന്നു. രാവിലത്തെ ഷോകള്‍ക്ക് 15.58%, ഉച്ച കഴിഞ്ഞുള്ള ഷോകള്‍ക്ക് 25.18%, ഈവനിംഗ് ഷോകള്‍ക്ക് 26.08%, നൈറ്റ് ഷോകള്‍ക്ക് 27.51% ഒക്യുപന്‍സി ലഭിച്ചു.
ലോകമെമ്പാടുമുള്ള തിയേറ്ററുകളില്‍ നിന്നായി 35 കോടിക്കും മുകളില്‍ സിനിമ കളക്ഷന്‍ നേടിയെന്ന് നേരത്തെ റിപ്പോര്‍ട്ടുകള്‍ ഉണ്ടായിരുന്നു. ആറാം ദിവസത്തെ കളക്ഷന്‍ കൂടി ചേര്‍ക്കുമ്പോള്‍ 40 കോടിക്ക് അടുത്തെത്താന്‍ സിനിമയ്ക്കായി.
