കാത്തിരിപ്പിനൊടുവിൽ മമ്മൂട്ടിയെ നായകനാക്കി വൈശാഖ് സംവിധാനം ചെയ്യുന്ന മധുരരാജയുടെ ടീസർ പുറത്തിറങ്ങിയിരിക്കുകയാണ്. കിടിലൻ കോമഡി ആക്ഷൻ എന്റർ‌ടെയ്നറായിരിക്കും ചിത്രമെന്ന കാര്യത്തിൽ സംശയമില്ല. പോക്കിരിരാജയുടെ രണ്ടാം ഭാഗമാണ് മധുരരാജ.
ഇന്നലെ പുറത്തിറങ്ങിയ മധുരരാജ തകർത്തിരിക്കുന്നത് മോഹൻലാലിന്റെ ലൂസിഫറിന്റെ ടീസർ റെക്കോർഡ് ആണ്. മൂന്ന് മാസം മുൻപാണ് ലൂസിഫറിന്റെ ടീസർ പുറത്തിറങ്ങിയത്. കൃത്യമായി പറയുകയാണെങ്കിൽ ഡിസംബർ 12നാണ് പൃഥ്വിരാജ് ആദ്യമായി സംവിധാനം ചെയ്യുന്ന ലൂസിഫറിന്റെ ടീസർ പ്റത്തിറങ്ങിയത്.
എന്നാൽ, ഇതുവരെ കാഴ്ചക്കാരുടെ കണക്കെടുത്താൽ 13ലക്ഷമാണ് ലൂസിഫറിന്റെ ടീസറിന്റെ ആകെയുള്ള കാഴ്ചക്കാർ. അമ്പതിനായിരത്തിനു മുകളിൽ ലൈക്സും എണ്ണായിരം ഡിസ്‌ലൈക്ക്സുമാണ് ടീസറിനു ലഭിച്ചിരിക്കുന്നത്. ഈ കണക്കാണ് വെറും 17 മണിക്കൂർ കൊണ്ട് മമ്മൂട്ടിയുടെ മധുരരാജ തകർത്തിരിക്കുന്നത്.
മധുരരാജയുടെ ടീസർ റിലീസ് ചെയ്ത് 17 മണിക്കൂറിനുള്ളിൽ 14 ലക്ഷത്തിലേക്ക് കടക്കുകയാണ് കാഴ്ചക്കാരുടെ എണ്ണം. ഒരു ലക്ഷത്തിനു മുകളിൽ ലൈക്കും 19നായിരം ഡിസ്‌ലൈക്കുമാണ് മധുരരാജയ്ക്ക് ലഭിച്ചിരിക്കുന്നത്. ലൂസിഫറിന്റെ ടീസറിന്റെ ഇതുവരെയുള്ള കാഴ്ചക്കാരുടെ എണ്ണത്തിലെ റെക്കോർഡ് നിമിഷനേരം കൊണ്ടാണ് രാജ തകർത്തിരിക്കുന്നത്.