ഒന്നിച്ചു നില്‍ക്കാം, നിപ്പയെ കീഴടക്കാം: ആത്മവിശ്വാസമേകി മമ്മൂട്ടി

ക്കേരളത്തിൽ നിപ വൈറസ് വീണ്ടും എത്തിയെന്ന വാർത്ത ഞെട്ടലോടെയാണ് മലയാളികൾ കേട്ടത്. കഴിഞ്ഞ തവണ പേരാമ്പ്രയിൽ ആയിരുന്നെങ്കിൽ ഇത്തവണ കൊച്ചിയിലാണ് രോഗം സ്ഥിരീകരിച്ചിട്ടുള്ളത്. ഇതോടെ സോഷ്യൽ മീഡിയകളിലും അല്ലാതേയും നിരവധിയാളുകൾ ജാഗ്രത നിർദേശങ്ങൾ പങ്കുവെയ്ക്കുകയാണ്. 

ഈ വാര്‍ത്ത ഭയമല്ല ജാഗ്രതയാണ് വര്‍ധിപ്പിക്കേണ്ടതെന്നും കൂട്ടായ്മയാണ് ഉണര്‍ത്തേണ്ടതെന്നു മമ്മൂട്ടിയും തന്റെ ഫേസ്ബുക്കിൽ കുറിച്ചു. കുറിപ്പില്‍  പെരുന്നാള്‍ ആശംസകളും നേരുകയാണ് താരം. പോസ്റ്റിന്റെ പൂർണരൂപം:

നിപ സ്ഥിരീകരിച്ചു എന്ന വാര്‍ത്ത ഭയമല്ല ജാഗ്രതയാണ് വര്‍ധിപ്പിക്കേണ്ടത്. കൂട്ടായ്മയാണ് ഉണര്‍ത്തേണ്ടത്. ഇതിലും എത്രയോ വലിയ ഭീതികളെ മറികടന്നവരാണ് നാം. ചെറുത്തു തോല്‍പ്പിച്ചവരാണ് നാം. ഒന്നിച്ചു നില്‍ക്കാം, നിപ്പയെ കീഴടക്കാം. നിപ: ഭീതി വേണ്ട, ജാഗ്രത മതി! എല്ലാവര്‍ക്കും കൂട്ടായ്മയുടെ പെരുന്നാള്‍ ആശംസകള്‍!