വരുന്നു... ഒരു ക്ലാസ് പടം, നായകന്‍ - മമ്മൂട്ടി!

ബ്രില്ല്യന്‍സിന്റെ വെടിക്കെട്ട്‌ ചിത്രത്തില്‍ ഒരു സര്‍പ്രൈസുണ്ട്!

മഹേഷിന്റെ പ്രതികാരം എന്ന തന്റെ ആദ്യ ചിത്രത്തിലൂടെ തന്നെ പ്രേക്ഷക മനസില്‍ ഇടം നേടിയ സംവിധായകനാണ് ദിലീഷ് പോത്തന്‍. പോത്തേട്ടന്‍ ബ്രില്ല്യന്‍സ് അദ്ദേഹത്തിന്റെ രണ്ടാമത്തെ ചിത്രത്തിലും കാണാന്‍ കഴിഞ്ഞു. തൊണ്ടിമുതലും ദ്രക്സാക്ഷിയും എന്ന ചിത്രത്തിനുശേഷം ദിലീഷ് പോത്തന്‍ സംവിധാനം ചെയ്യുന്ന ചിത്രത്തില്‍ മമ്മൂട്ടി നായകനാകുമെന്ന് റിപ്പോര്‍ട്ടുകള്‍ ഉണ്ടായിരുന്നു. 

മഹേഷിന്റെ പ്രതികാരം എഴുതിയ ശ്യാംപുഷ്‌കരന്റെ തിരക്കഥയിലായിരുന്നു ചിത്രം ഒരുങ്ങുക എന്നായിരുന്നു റിപ്പോര്‍ട്ട്. എന്നാല്‍, ദിലീഷ് പോത്തന്‍ സംവിധാനം ചെയ്യുന്ന ഈ മമ്മൂട്ടി ചിത്രത്തിന്റെ തിരക്കഥയെഴുതുന്നത് ശ്യാം പുഷ്കര്‍ തനിച്ചല്ല, മറിച്ച് സുരാജ് വെഞ്ഞാറമൂട് കൂടെ ഇതില്‍ പങ്കാളിയാകുന്നുണ്ട്. സിറ്റി കൌമുദിയാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. 

ഇക്കാര്യം സുരാജ് സ്ഥിരീകരിച്ചു കഴിഞ്ഞു. അങ്ങനെയെങ്കില്‍ ഇപ്പോള്‍ ഏറ്റെടുത്തിരിക്കുന്ന മമ്മൂട്ടി ചിത്രങ്ങള്‍ കഴിഞ്ഞാല്‍ ഉടന്‍ തന്നെ ദിലീഷിന്റെ പേരിടാത്ത ചിത്രത്തിലേക്ക് മമ്മൂട്ടി കടക്കും.