വിമാനത്തില്‍ അശ്ലീല പ്രദർശനവും പോണ്‍ സിനിമ കാണലും; ഒടുവില്‍ എയര്‍ ഹോസ്‌റ്റസിനെ കയറിപ്പിടിക്കാന്‍ ശ്രമവും - യുവാവ് അറസ്‌റ്റില്‍
വിമാനത്തില്‍ അശ്ലീല പ്രദർശനവും പോണ്‍ സിനിമ കാണലും; ഒടുവില്‍ എയര്‍ ഹോസ്‌റ്റസിനെ കയറിപ്പിടിക്കാന്‍ ശ്രമവും - യുവാവ് അറസ്‌റ്റില്‍
വിമാനത്തിൽ അശ്ലീല പ്രദർശനം നടത്തിയതിന് പിന്നാലെ എയര്‍ ഹോസ്‌റ്റസിനെ കയറിപ്പിടിക്കാന്‍ ശ്രമിച്ച ഇരുപതുകാരൻ അറസ്‌റ്റില്‍. ശനിയാഴ്ച ക്വാലലംപുരിൽനിന്നു ബംഗ്ലദേശിലേക്ക് പറന്നുയര്‍ന്ന മലിൻഡോ എയർ വിമാനത്തിലായിരുന്നു സംഭവം.
വിമാനം പറന്നുയർന്നതിനു പിന്നാലെ യുവാവ് അശ്ലീല പ്രദർശനം ആരംഭിച്ചു. വസ്ത്രങ്ങൾ അഴിച്ച ശേഷം ലാപ്‌ടോപ്പില്‍ പോണ്‍ സിനിമകള്‍ കണ്ടിരുന്ന യുവാവിനോട് മാന്യമായി പെരുമാറണമെന്ന് വിമാനത്തിലെ ജോലിക്കാര്‍ ആവശ്യപ്പെട്ടു. നിര്‍ദേശം അംഗീകരിച്ച യുവാവ് അശ്ലീല സിനിമകൾ കാണുന്നത് അവസാനിപ്പിക്കുകയും വസ്‌ത്രം ധരിക്കുകയും ചെയ്‌തു.
ഇതിനു ശേഷം യുവാവ് വിമാനത്തിലെ വനിതാ ജീവനക്കാരോട് മോശമായി പെരുമാറുകയും കെട്ടിപ്പിടിക്കാന്‍ ശ്രമം നടത്തുകയും ചെയ്‌തു. ശല്ല്യം സഹിക്കാന്‍ കഴിയാതെ വന്നതോടെ ജീവനക്കാര്‍ യാത്രക്കാരുടെ സഹായത്തോടെ യുവാവിനെ കീഴ്പ്പെടുത്തി കൈകൾ തുണികൊണ്ടു കെട്ടിവച്ചു.
വിമാനം ധാക്കയില്‍ എത്തിയതിന് പിന്നാലെ സുരക്ഷാ ജീവനക്കാര്‍ക്ക് യുവാവിനെ കൈമാറി. എന്നാല്‍, ഈ വാര്‍ത്ത സ്ഥിരീകരിക്കാന്‍ വിമാനക്കമ്പനി തയ്യാറായില്ല. പക്ഷേ വിമാനത്തില്‍ പ്രശ്‌നമുണ്ടാക്കിയ ഒരു യുവാവിനെ അറസ്‌റ്റ് ചെയ്‌തതായി കമ്പനി അറിയിച്ചു.
