Select Your Language

Notifications

webdunia
webdunia
webdunia
webdunia

മമ്മൂട്ടിയുടെ നായികയായി ജ്യോതിക ! സംവിധാനം ജിയോ ബേബി; പുതിയ റിപ്പോര്‍ട്ട് ഇങ്ങനെ

മമ്മൂട്ടി കമ്പനി തന്നെയാണ് ഈ ചിത്രം നിര്‍മിക്കുന്നതെന്നും വാര്‍ത്തകളുണ്ട്

മമ്മൂട്ടിയുടെ നായികയായി ജ്യോതിക ! സംവിധാനം ജിയോ ബേബി; പുതിയ റിപ്പോര്‍ട്ട് ഇങ്ങനെ
, വെള്ളി, 5 ഓഗസ്റ്റ് 2022 (12:30 IST)
ഒരുപിടി നല്ല പ്രൊജക്ടുകളാണ് മെഗാസ്റ്റാര്‍ മമ്മൂട്ടിയുടേതായി വരാനിരിക്കുന്നത്. ഔദ്യോഗികമായി സ്ഥിരീകരിച്ച പ്രൊജക്ടുകള്‍ക്ക് പുറമേ ചര്‍ച്ച നടക്കുന്ന ചില മമ്മൂട്ടി ചിത്രങ്ങളെ കുറിച്ചുള്ള വിവരങ്ങളും ഇപ്പോള്‍ പുറത്തുവരുന്നുണ്ട്. 
 
സൂപ്പര്‍താരം ജ്യോതിക മമ്മൂട്ടിയുടെ നായികയാകാന്‍ ഒരുങ്ങുകയാണെന്നാണ് ഇപ്പോള്‍ പുറത്തുവരുന്ന റിപ്പോര്‍ട്ട്. ദ ഗ്രേറ്റ് ഇന്ത്യന്‍ കിച്ചണ്‍ എന്ന ചിത്രം സംവിധാനം ചെയ്ത ജിയോ ബേബിയാണ് മമ്മൂട്ടിയേയും ജ്യോതികയേയും കേന്ദ്ര കഥാപാത്രങ്ങളാക്കി പുതിയ സിനിമ ചെയ്യാന്‍ ഒരുങ്ങുന്നതെന്നാണ് റിപ്പോര്‍ട്ട്. പ്രൊജക്ടുമായി ബന്ധപ്പെട്ട ചര്‍ച്ചകള്‍ ആരംഭിച്ചെന്നാണ് പുറത്തുവരുന്ന വാര്‍ത്തകള്‍. 
 
മമ്മൂട്ടി കമ്പനി തന്നെയാണ് ഈ ചിത്രം നിര്‍മിക്കുന്നതെന്നും വാര്‍ത്തകളുണ്ട്. എന്നാല്‍ ഇക്കാര്യത്തില്‍ ഇതുവരെ ഔദ്യോഗിക സ്ഥിരീകരണങ്ങളൊന്നും ആയിട്ടില്ല. 
 
അതേസമയം, ബി.ഉണ്ണികൃഷ്ണന്‍ സംവിധാനം ചെയ്യുന്ന ചിത്രത്തിലാണ് മമ്മൂട്ടി ഇപ്പോള്‍ അഭിനയിച്ചുകൊണ്ടിരിക്കുന്നത്. നിസാം ബഷീര്‍ സംവിധാനം ചെയ്ത റോഷാക്ക് ആണ് മമ്മൂട്ടിയുടേതായി ഉടന്‍ തിയറ്ററുകളിലെത്താനുള്ള സിനിമ. 
 

Share this Story:

Follow Webdunia malayalam

അടുത്ത ലേഖനം

തലയിടിച്ച് വീണതോടെ കജോളിന്റെ ഓര്‍മ നഷ്ടമായി, അജയ് ദേവ്ഗണിനെ വിളിച്ച് ഷാരൂഖ് ഖാന്‍; അന്ന് സംഭവിച്ചത്