'സ്ത്രീപീഡകനായ വില്ലന്‍'; മമ്മൂട്ടി സിനിമയെ കുറിച്ച് വെളിപ്പെടുത്തി ജോണ്‍ ബ്രിട്ടാസ്

ജിതിന്‍ കെ ജോസ് സിനിമയില്‍ സൈക്കോപ്പാത്തായ ഒരു സീരിയല്‍ കില്ലര്‍ വേഷമാണ് മമ്മൂട്ടിയുടേതെന്ന് നേരത്തെ വാര്‍ത്തകളുണ്ടായിരുന്നു

രേണുക വേണു
വെള്ളി, 15 നവം‌ബര്‍ 2024 (10:44 IST)
John Brittas and Mammootty

മലയാള സിനിമ ആരാധകര്‍ ഏറെ പ്രതീക്ഷകളോടെ കാത്തിരിക്കുന്ന സിനിമയാണ് നവാഗതനായ ജിതിന്‍ കെ ജോസ് മെഗാസ്റ്റാര്‍ മമ്മൂട്ടിയെ നായകനാക്കി ചെയ്യുന്ന സൈക്കോളജിക്കല്‍ ത്രില്ലര്‍. പേരിടാത്ത ഈ സിനിമയുടെ ചിത്രീകരണം ഏതാനും ദിവസങ്ങള്‍ക്കു മുന്‍പാണ് പൂര്‍ത്തിയായത്. മമ്മൂട്ടി നെഗറ്റീവ് വേഷത്തിലെത്തുന്ന ഈ സിനിമയെ കുറിച്ച് രാജ്യസഭാ എംപിയും കൈരളി മാനേജിങ് ഡയറക്ടറുമായ ജോണ്‍ ബ്രിട്ടാസ് നടത്തിയ വെളിപ്പെടുത്തലാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയായിരിക്കുന്നത്. സ്ത്രീപീഡകനായാണ് മമ്മൂട്ടി ഈ സിനിമയില്‍ അഭിനയിക്കുന്നതെന്ന് ജോണ്‍ ബ്രിട്ടാസ് പറഞ്ഞു. ദ് ക്യൂവിന് നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം. 
 
' സിനിമയെ കുറിച്ച് സംസാരിക്കുന്നതിനിടെ പുള്ളി പറഞ്ഞു, പുതിയ സിനിമയില്‍ പുള്ളിയാണ് വില്ലന്‍. വില്ലനെന്നു പറഞ്ഞാല്‍ വലിയ സ്ത്രീപീഡകനായ വില്ലനാണ്. അപ്പോള്‍ ഞാന്‍ ചോദിച്ചു, 'അല്ല അത് ആരാധകരെ വിഷമിപ്പിക്കോ' എന്ന്. 'എന്ത് ആരാധകര്‍ ! നമ്മള്‍ ഓരോ പരീക്ഷണങ്ങള്‍ നടത്തിക്കൊണ്ടിരിക്കുകയല്ലേ..എന്തോന്ന് ആരാധകര്‍' എന്നൊക്കെ പുള്ളി എന്നോടു പറഞ്ഞു. എന്റെ ഒരു അഭിപ്രായത്തില്‍ ഇത്രത്തോളം പരീക്ഷണങ്ങള്‍ നടത്തുന്ന ഒരു നടനുണ്ടോ? എനിക്ക് അത്ഭുതമാണ്. ഒരുപക്ഷേ മമ്മൂക്കയ്ക്ക് ഇങ്ങനെ പരീക്ഷണങ്ങള്‍ നടത്തുന്നതാണ് നല്ലത്. പുള്ളിക്ക് പ്രത്യേകിച്ച് ഇനിയൊന്നും നേടാനില്ല. ഇനി നേടാനുള്ളതെല്ലാം പുതിയ പരീക്ഷണങ്ങളിലൂടെ നേടേണ്ട കാര്യങ്ങളാണ്,' ബ്രിട്ടാസ് പറഞ്ഞു. മമ്മൂട്ടിയുടെ വളരെ അടുത്ത സുഹൃത്ത് കൂടിയാണ് ജോണ്‍ ബ്രിട്ടാസ്. 
 
ജിതിന്‍ കെ ജോസ് സിനിമയില്‍ സൈക്കോപ്പാത്തായ ഒരു സീരിയല്‍ കില്ലര്‍ വേഷമാണ് മമ്മൂട്ടിയുടേതെന്ന് നേരത്തെ വാര്‍ത്തകളുണ്ടായിരുന്നു. ദക്ഷിണേന്ത്യയില്‍ വലിയ കോലിളക്കം സൃഷ്ടിച്ച കുപ്രസിദ്ധ കുറ്റവാളി സയനൈഡ് മോഹന്റെ കഥയാണ് സിനിമയുടെ ഉള്ളടക്കമെന്ന റിപ്പോര്‍ട്ടുകളും പുറത്തുവന്നിരുന്നു. ഇരുപതോളം സ്ത്രീകളെ വിവാഹ വാഗ്ദാനം നല്‍കി പീഡിപ്പിച്ച ശേഷം സയനൈഡ് നല്‍കിയ കൊലപ്പെടുത്തി ആഭരണങ്ങള്‍ കവര്‍ന്നു കുപ്രസിദ്ധനായ ആളാണ് സയനൈഡ് മോഹന്‍ എന്ന മോഹന്‍ കുമാര്‍. ഈ കഥാപാത്രത്തെയാണ് ജിതിന്‍ കെ ജോസ് ചിത്രത്തില്‍ മമ്മൂട്ടി അവതരിപ്പിക്കുന്നതെന്ന് സ്ഥിരീകരിക്കാത്ത റിപ്പോര്‍ട്ടുകളുണ്ട്. 
 
ദുല്‍ഖര്‍ സല്‍മാന്‍ ചിത്രം 'കുറുപ്പി'ന്റെ സഹതിരക്കഥാകൃത്തായ ജിതിന്‍ കെ ജോസ് ആദ്യമായി സംവിധാനം ചെയ്യുന്ന ഈ സിനിമ നിര്‍മിക്കുന്നത് മമ്മൂട്ടി കമ്പനിയാണ്. മമ്മൂട്ടി കമ്പനി നിര്‍മിക്കുന്ന ഏഴാമത്തെ ചിത്രം കൂടിയാണ് ഇത്. വിനായകന്‍ ആണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. വിനായകന്റേത് പൊലീസ് കഥാപാത്രമാണ്. ഈ സിനിമയിലെ നെഗറ്റീവ് ഷെയ്ഡുള്ള കഥാപാത്രത്തെ അവതരിപ്പിക്കാനാണ് മമ്മൂട്ടി ഈയടുത്ത് താടിയെടുത്തത്. സിനിമയിലെ മമ്മൂട്ടിയുടെ ലുക്കും ഇതിനോടകം പുറത്തുവന്നിട്ടുണ്ട്. 

അനുബന്ധ വാര്‍ത്തകള്‍

വായിക്കുക

Eko Movie: 'എക്കോ' സംശയങ്ങളും സംവിധായകനും തിരക്കഥാകൃത്തും ഒളിപ്പിച്ചുവച്ചിരിക്കുന്ന ഉത്തരങ്ങളും

Eko Movie Detailing: എല്ലാ ചോദ്യങ്ങള്‍ക്കും ഉത്തരം നല്‍കി അവസാനിക്കുന്ന 'എക്കോ'

പ്രഭാസിനൊപ്പം രണ്‍ബീറും!, ബോക്‌സോഫീസ് നിന്ന് കത്തും, സ്പിരിറ്റിന്റെ പുത്തന്‍ അപ്‌ഡേറ്റ്

Bigg Boss Malayalam Season 7: പിആര്‍ കുരുക്കില്‍ അനുമോള്‍; ബിഗ് ബോസില്‍ ഒറ്റപ്പെടുന്നു, പ്രേക്ഷക പിന്തുണയും കുറഞ്ഞു

ഭ്രമയുഗം ഒന്നാന്തരം സിനിമ തന്നെ, പക്ഷേ, എത്രപേർ കണ്ടു?; ചോദ്യവുമായി മന്ത്രി സജി ചെറിയാൻ

എല്ലാം കാണുക

ഏറ്റവും പുതിയത്

എസ്ഐആർ സമയപരിധി നീട്ടി, ഫോമുകൾ തിരിച്ചുനൽകാൻ ഡിസംബർ 11 വരെ സമയം

സമ്പദ് വ്യവസ്ഥ തകർന്നോ? കരുതൽ സ്വർണം വിൽക്കാനൊരുങ്ങി റഷ്യൻ കേന്ദ്രബാങ്ക്

മണ്ഡലകാലം രണ്ടാഴ്ച്ച തികയുമ്പോൾ ശബരിമലയിൽ എത്തിയത് 12 ലക്ഷത്തിനടുത്ത് തീർത്ഥാടകർ

ഡിറ്റ്‌വാ സ്വാധീനം സംസ്ഥാനത്തെ തണുത്ത അന്തരീക്ഷ സ്ഥിതി ഉച്ചയോടെ മാറും, ഒറ്റപ്പെട്ട മഴയ്ക്കും സാധ്യത

Ditwah Cyclone: ഡിറ്റ്‌വാ ചുഴലിക്കാറ്റ്: തമിഴ്‌നാട്- പുതുച്ചേരി തീരങ്ങളിൽ ശക്തമായ മഴ

അടുത്ത ലേഖനം
Show comments