മഞ്ജു വാര്യര്‍ക്ക് നായകന്‍ മോഹന്‍ലാല്‍ അല്ല, അപ്പോള്‍ മോഹന്‍ലാല്‍ വില്ലനോ?

മോഹന്‍ലാല്‍ - മഞ്ജു വാര്യര്‍ ജോഡിയുടെ സ്വീകാര്യതയോളം ഇന്ന് മലയാള സിനിമയില്‍ മറ്റൊരു ജോഡിക്ക് പ്രേക്ഷകര്‍ അംഗീകാരം നല്‍കില്ല. അത്രത്തോളം പ്രേക്ഷകരെ വശീകരിച്ചുകഴിഞ്ഞിട്ടുണ്ട് ആ മാന്ത്രികജോഡിയുടെ ആകര്‍ഷണീയത.

പുതിയ ചിത്രമായ ഒടിയനില്‍ മോഹന്‍ലാലും മഞ്ജുവും വീണ്ടും ഒന്നിക്കുന്നു എന്ന കേട്ടനാള്‍ മുതല്‍ ആകാംക്ഷയോടെ കാത്തിരിക്കുകയാണ് ആരാധകര്‍. പുതിയ വാര്‍ത്ത, ഈ സിനിമയില്‍ മോഹന്‍ലാലിന്‍റെ നായികയല്ല മഞ്ജു വാര്യര്‍ എന്നാണ്.

ഒടിയനില്‍ മഞ്ജുവിന്‍റെ ഭര്‍ത്താവായി അഭിനയിക്കുന്നത് നരേന്‍ ആണ്. അപ്പോള്‍ മോഹന്‍ലാല്‍ ഇവരുടെ വില്ലനായിരിക്കുമോ? ഒടിവിദ്യ വശമുള്ളയാള്‍ വില്ലനായിക്കൂടെന്നില്ല എന്ന ലോജിക് വച്ച് മോഹന്‍ലാല്‍ ഇവര്‍ക്ക് വില്ലനായും വരാമെന്നാണ് ഇപ്പോഴത്തെ സിനിമാസംസാരം.

എന്നാല്‍ ഒഫിഷ്യലായി ഈ സിനിമയില്‍ മറ്റൊരു വില്ലനുണ്ട്. അത് സാക്ഷാല്‍ പ്രകാശ് രാജാണ്. ഇതോടെ മോഹന്‍ലാലിന്‍റെ ഒടിയന്‍ മാണിക്യന്‍ എന്ന കഥാപാത്രത്തേക്കുറിച്ചുള്ള ദുരൂഹത വര്‍ദ്ധിച്ചിരിക്കുകയാണ്.

ശ്രീകുമാര്‍ മേനോന്‍ സംവിധാനം ചെയ്യുന്ന ചിത്രത്തിന്‍റെ തിരക്കഥ ഹരികൃഷ്ണനാണ്. പീറ്റര്‍ ഹെയ്ന്‍ ആണ് ആക്ഷന്‍ കോറിയോഗ്രാഫി.