നടി മീര നന്ദന്‍ വിവാഹിതയായി. ഇന്ന് പുലര്‍ച്ചയോടെ ഗുരുവായൂരില്‍ വെച്ചായിരുന്നു വിവാഹം നടന്നത്.ലണ്ടനില്‍ അക്കൗണ്ടന്റായ ശ്രീജുവാണ് വരന്‍.
വീട്ടുകാര്‍ നിശ്ചയിച്ചു ഉറപ്പിച്ചത് പ്രകാരം ആയിരുന്നു വിവാഹ ചടങ്ങുകള്‍ അടുത്ത കുടുംബാംഗങ്ങളും സുഹൃത്തുക്കളും മാത്രമായിരുന്നു ചടങ്ങുകളില്‍ പങ്കെടുത്തത്.
2023 അവസാനത്തോടെയായിരുന്നു മീരയുടെ വിവാഹ നിശ്ചയം കഴിഞ്ഞത്.മാട്രിമോണിയല്‍ സൈറ്റില്‍ നിന്നാണ് ഇരുവരും പരിചയപ്പെട്ടത്. രക്ഷിതാക്കള്‍ പരസ്പരം സംസാരിച്ച ശേഷം മീരയെ കാണാനായി ലണ്ടനില്‍ നിന്ന് ശ്രീജു ദുബായില്‍ എത്തുകയായിരുന്നു.
തുടര്‍ന്നാണ് ഇരുവരുടെയും വിവാഹ നിശ്ചയവും നടന്നത്.
എറണാകുളം എളമക്കരയിലെ പേരണ്ടൂരില്‍ നന്ദകുമാറിന്റെയും മായയുടെയും മകളായി 1990 നവംബര്‍ 26 ന് മീരാ നന്ദകുമാര്‍ എന്ന മീര നന്ദന്‍ ജനിച്ചു. 32 വയസ്സാണ് നടിയുടെ പ്രായം.
ലാല്‍ ജോസ് മലയാള സിനിമയ്ക്ക് സമ്മാനിച്ച നടിയാണ് മീര നന്ദന്‍. ദിലീപിന്റെ 'മുല്ല' എന്ന സിനിമയിലൂടെ അരങ്ങേറ്റം കുറിച്ച നടി മ്യൂസിക്കല്‍ റിയാലിറ്റി ഷോയിലൂടെയാണ് ശ്രദ്ധിക്കപ്പെട്ടത്. പരിപാടിയില്‍ മത്സരിക്കാന്‍ എത്തി അവതാരകയായി മാറിയ മീര പിന്നീട് സിനിമ ലോകത്ത് സജീവമായി. മലയാളത്തിന് പുറത്തും മീരയെ തേടി അവസരങ്ങള്‍ വന്നു.തമിഴ്, തെലുങ്ക്, കന്നഡ ഭാഷകളിലായി 35ല്‍ കൂടുതല്‍ സിനിമകളില്‍ നടി അഭിനയിച്ചിട്ടുണ്ട്.
സിനിമ അഭിനയത്തോട് താല്‍ക്കാലികമായി വിടപറഞ്ഞ് ദുബായില്‍ റേഡിയോ ജോക്കിയായി ജോലി ചെയ്തവരുകയാണ് നടി.
