‘ഒടിയൻ മോഹൻലാലിന്റെ കരിയർ ബെസ്റ്റ് ചിത്രം, മാസും ക്ലാസും നിറഞ്ഞ അനുഭവം’

മാസും ക്ലാസും ചേർന്ന മോഹൻലാൽ കഥാപാത്രത്തെ കാണാൻ ആഗ്രഹിക്കുന്നവർക്ക് മുന്നിലേക്ക് അവൻ എത്തുന്നു, ഒടിയൻ!. ഒടിയന്റെ ഒടിയവതാരത്തെ കാണാൻ കട്ട വെയ്റ്റിംഗിൽ ഇരിക്കുന്ന ആരാധകരെ കോരിത്തരിപ്പിക്കുന്ന വാക്കുകളുമായി രചയിതാവായ ഹരികൃഷ്ണൻ.

വി എ ശ്രീകുമാർ മേനോന്റെ സംവിധാനം ചെയ്യുന്ന ഒടിയൻ ഒരു മാസ് മൂവിയാണ്. മാസ്സും ക്ലാസും നിറഞ്ഞ ഒരു സിനിമാനുഭവം ആയിരിക്കും ഒടിയൻ എന്നാണ് അദ്ദേഹം പറയുന്നത്. മോഹൻലാൽ , മഞ്ജു വാര്യർ, പ്രകാശ് രാജ് എന്നിവരുടെ കരിയറിലെ തന്നെ ഏറ്റവും മികച്ച അഭിനയ പ്രകടനങ്ങളിലൊന്ന് നമ്മുക്ക് മുന്നിൽ എത്തിക്കുന്ന ഒരു ചിത്രമായിരിക്കും ഒടിയൻ എന്ന് അദ്ദേഹം പറയുന്നു.

എന്നാൽ അതിനൊപ്പം തന്നെ ആരാധകരെ ആവേശം കൊള്ളിക്കുന്ന പഞ്ച് ഡയലോഗുകളും കിടിലൻ ആക്ഷനും ഈ ചിത്രത്തിന്റെ ഭാഗമാണ് താനും. മോഹൻലാലിനെ പ്രേക്ഷകർ എങ്ങനെയൊക്കെ കാണാൻ ആഗ്രഹിക്കുന്നോ അതുപോലെ തന്നെ ഈ ചിത്രത്തിൽ അവതരിപ്പിച്ചിട്ടുണ്ട് എന്നാണ് അദ്ദേഹം പറയുന്നത്.