Narivetta Social Media Reviews: രാഷ്ട്രീയം പറയുന്ന 'നരിവേട്ട', ടൊവിനോ കലക്കി; ആദ്യ പ്രതികരണങ്ങള്‍ വായിക്കാം

Narivetta Social Media Reviews: സിനിമാറ്റിക് എക്‌സ്പീരിയന്‍ കൂടി ഉറപ്പുവരുത്തി പ്രേക്ഷകരെ ഇമോഷണലി കണക്ട് ചെയ്യിപ്പിച്ചുകൊണ്ടാണ് കഥയുടെ പോക്ക്

Narivetta Movie Social Media Response

Narivetta Theater Response: ടൊവിനോ തോമസ് ചിത്രം 'നരിവേട്ട'യ്ക്കു മികച്ച അഭിപ്രായം. പ്രേക്ഷകരെ എന്‍ഗേജ് ചെയ്യിപ്പിക്കുന്നതിനൊപ്പം കൃത്യമായ രാഷ്ട്രീയം അടയാളപ്പെടുത്താനും സിനിമയ്ക്കു സാധിച്ചിട്ടുണ്ടെന്നാണ് ആദ്യ ഷോകള്‍ക്കു ശേഷമുള്ള പ്രേക്ഷക പ്രതികരണങ്ങള്‍. 

ജീവിതസാഹചര്യങ്ങളുടെ സമ്മര്‍ദ്ദം കൊണ്ട് പൊലീസ് ആകേണ്ടിവന്ന വര്‍ഗീസ് (ടൊവിനോ തോമസ്) എന്ന കഥാപാത്രത്തിലൂടെയാണ് സിനിമ മുന്നോട്ടു പോകുന്നത്. കേരള രാഷ്ട്രീയത്തില്‍ വലിയ ചര്‍ച്ചയായ മുത്തങ്ങ ആദിവാസി സമരവും പൊലീസ് വെടിവയ്പ്പും സിനിമയുടെ പ്രധാന പ്രമേയങ്ങളാകുന്നുണ്ട്. മനുഷ്യര്‍ക്കെതിരായ പൊലീസ് വേട്ടയെ തുറന്നു കാണിക്കാനും അതിനെതിരെ ശക്തമായി സംസാരിക്കാനും നരിവേട്ടയ്ക്കു സാധിച്ചെന്നാണ് മിക്ക പ്രേക്ഷകരും പറയുന്നത്. 

രാഷ്ട്രീയം പറയാന്‍ വേണ്ടി നിര്‍ബന്ധിതരായി കഥ മുന്നോട്ടു കൊണ്ടുപോകുകയല്ല സംവിധായകന്‍ ചെയ്തിരിക്കുന്നത്. മറിച്ച് സിനിമാറ്റിക് എക്‌സ്പീരിയന്‍ കൂടി ഉറപ്പുവരുത്തി പ്രേക്ഷകരെ ഇമോഷണലി കണക്ട് ചെയ്യിപ്പിച്ചുകൊണ്ടാണ് കഥയുടെ പോക്ക്. ഇതാണ് സിനിമയുടെ ഏറ്റവും വലിയ പ്ലസ് പോയിന്റെന്ന് ഒരു പ്രേക്ഷകന്‍ സോഷ്യല്‍ മീഡിയയില്‍ കുറിച്ചു. ടൊവിനോ തോമസിന്റെ പെര്‍ഫോമന്‍സ് ഞെട്ടിച്ചെന്നാണ് മറ്റൊരു പ്രേക്ഷകന്റെ അഭിപ്രായം. സമീപകാലത്ത് ടൊവിനോ ചെയ്ത ഏറ്റവും ബോള്‍ഡ് ആയ കഥാപാത്രമാണ് നരിവേട്ടയിലേതെന്ന് ഒരു പ്രേക്ഷകന്‍ എക്‌സില്‍ കമന്റ് ചെയ്തു. ജേക്‌സ് ബിജോയിയുടെ സംഗീതവും മികച്ചുനിന്നതായി പ്രേക്ഷകര്‍ അഭിപ്രായപ്പെടുന്നു. 

'ഇഷ്‌ക്കി'നു ശേഷം അനുരാജ് മനോഹര്‍ സംവിധാനം ചെയ്ത 'നരിവേട്ട'യുടെ തിരക്കഥ അബിന്‍ ജോസഫിന്റേതാണ്. കേന്ദ്ര സാഹിത്യ അക്കാദമി ജേതാവ് കൂടിയാണ് തിരക്കഥാകൃത്ത്. ഇന്ത്യന്‍ സിനിമ കമ്പനിയുടെ ബാനറില്‍ ഷിയാസ് ഹസ്സന്‍, ടിപ്പു ഷാന്‍ എന്നിവര്‍ ചേര്‍ന്നാണ് ചിത്രത്തിന്റെ നിര്‍മാണം. കേന്ദ്ര സാഹിത്യ അക്കാദമി അവാര്‍ഡ് ജേതാവ് അബിന്‍ ജോസഫിന്റേതാണ് തിരക്കഥ. ഛായാഗ്രഹണം - വിജയ്. എഡിറ്റര്‍ ഷമീര്‍ മുഹമ്മദ്. ആര്‍ട്ട് - ബാവ. സുരാജ് വെഞ്ഞാറമൂട്, ചേരന്‍, പ്രിയംവദ കൃഷ്ണന്‍ എന്നിവര്‍ മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.