‘എന്നെ അങ്ങനെ വിളിക്കരുത്, ഞാന്‍ സെക്‌സിന്റെ സിമ്പല്‍ അല്ല’: നേഹ ധുപിയ

‘എന്നെ അങ്ങനെ വിളിക്കരുത്, ഞാന്‍ സെക്‌സിന്റെ സിമ്പല്‍ അല്ല’: പ്രതികരണങ്ങളുമായി നേഹ ധുപിയ

ബോളിവുഡ് സിനിമയിലെ സൂപ്പര്‍ താരമാണ് നേഹ ധുപിയ. ജൂലി, ഷീഷ തുടങ്ങിയ ചിത്രങ്ങളിലെ ഗ്ലാമര്‍ വേഷങ്ങളിലൂടെ ശ്രദ്ധിക്കപ്പെട്ട നടിയാണ് നേഹ. എന്നാല്‍ ഈ ചിത്രങ്ങള്‍ക്ക് ശേഷം സെക്‌സി നായിക എന്ന വിളി ഉയര്‍ന്നപ്പോള്‍ അതൊരു ശല്യമായി തോന്നി എന്നും അങ്ങനെ വിളിക്കുന്നത് ഇഷ്ടമല്ല എന്നും നേഹ തുറന്ന് പറഞ്ഞിരിക്കുകയാണ്.

ബോളിവുഡ് സിനിമയില്‍ താന്‍ അഭിനയിച്ചു തുടങ്ങിയിട്ട് പതിനഞ്ച് വര്‍ഷമായി എന്ന് നേഹ പറയുന്നു. 2003 ല്‍ ഖ്വയാമത്; സിറ്റി അണ്ടര്‍ ത്രെറ്റ് എന്ന ചിത്രത്തിലൂടെയാണ് ബോളിവുഡില്‍ അരങ്ങേറ്റം. അവിടെ നിന്ന് ജൂലി, ഷീഷ, ഏക് ചലീസ് കി ലാസ്റ്റ് ലോക്കല്‍ കോള്‍, മിത്യ, ഫേസ് ഗയ റേ ഒബാമ, ഹിന്ദി മീഡിയം തുടങ്ങിയ ചിത്രങ്ങളിലൂടെ ശ്രദ്ധേയായി. പതിനഞ്ച് വര്‍ഷം സിനിമയില്‍ പൂര്‍ത്തിയാക്കിയ ശേഷവും പുതുതായി, വ്യത്യസ്തമായി എന്തെങ്കിലും ചെയ്യാനാണ് താന്‍ ഇപ്പോഴും ശ്രമിക്കുന്നത് എന്ന് നേഹ പറഞ്ഞു.