സിനിമാ ഇന്റസ്ട്രികളിലെല്ലാം വ്യക്തമായ സ്ഥാനം കണ്ടെത്താന്‍ കഴിഞ്ഞ നടിയാണ് നിത്യാ മേനന്‍. വളരെ ചുരുങ്ങിയ കാലം കൊണ്ടുതന്നെ കഥാപാത്രങ്ങളുടെ വൈവിധ്യം കൊണ്ട് തെന്നിന്ത്യന്‍ സിനിമയില്‍ വെന്നിക്കൊടി പാറിക്കാന്‍ താരത്തിന് കഴിഞ്ഞു. കഥാപാത്രത്തെകുറിച്ചുള്ള തന്റെ നിലപാടുകളും ഒരു അഭിമുഖത്തില്‍ താരം വ്യക്തമാക്കി. കഴമ്പില്ലാത്ത വേഷങ്ങളുമായി ഇനി തന്നെ സമീപിക്കാന്‍ ആര്‍ക്കും സാധിക്കില്ലെന്ന് നിത്യ പറഞ്ഞു.
ഒരു ചിത്രത്തിലും ഒരിക്കലും മുഴുനീള കഥാപാത്രം വേണമെന്ന് താന്‍ വാശിപിടിച്ചിട്ടില്ല. ചുരുങ്ങിയ സമയത്തിനകം തന്നെ ചെയ്യാവുന്നതിന്റെ പരമാവധി വേഷങ്ങള്‍ ചെയ്യാന്‍ കഴിഞ്ഞിട്ടുണ്ട്. അതുകൊണ്ടുതന്നെ ഇപ്പോള്‍ തിരക്കഥാകൃത്തുക്കള്‍ക്കും സിനിമാ നിര്‍മ്മാതാക്കള്‍ക്കുമറിയാം തനിയ്ക്ക് ഏതു തരം വേഷമാണ് യോജിക്കുകയെന്ന്. മാത്രമല്ല കഴമ്പില്ലാത്ത വേഷങ്ങളുമായി ഇപ്പോള്‍ ആരും തന്നെ സമീപിക്കാറില്ലെന്നും നിത്യ പറഞ്ഞു.
വികെ പ്രകാശിന്റെ സംവിധാനത്തിലൊരുങ്ങുന്ന ബഹുഭാഷ സിനിമയായ പ്രാണയാണ് നിത്യയുടെ റിലീസാകാനുള്ള സിനിമ. ഹിന്ദി , മലയാളം, തെലുങ്ക്, കന്നഡ എന്നീ ഭാഷകളിലെത്തുന്ന ഈ ചിത്രത്തിലൂടെ മലയാളത്തിലേക്കുള്ള ഒരു മടങ്ങിവരവിനുകൊടിയാണ് താരം തയ്യാറെടുക്കുന്നത്.