ഇനി ഹൊറര്‍ സിനിമാക്കാലം ! പേടിപ്പിക്കാന്‍ അജയ് ദേവ്ഗണും മാധവനും, ശെയ്ത്താന്‍ വരുന്നു

Shaitaan

സിനിമ പ്രേമികള്‍ കാത്തിരിക്കുന്ന ചിത്രമാണ് ശെയ്ത്താന്‍.അജയ് ദേവ്ഗണ്‍ നായകനായി എത്തുന്ന ചിത്രം വേറിട്ടൊരു പ്രമേയം കൈകാര്യം ചെയ്യുന്നു. നേരത്തെ പുറത്തുവന്ന അപ്‌ഡേറ്റുകളെല്ലാം അതിനുള്ള സൂചനകള്‍ നല്‍കിയിരുന്നു.മാധവനും ജ്യോതികയും പ്രധാന കഥാപാത്രങ്ങളെ അവതരിപ്പിക്കുന്നുണ്ട് എന്നതാണ് മറ്റൊരു ആകര്‍ഷണം. രണ്ട് താരങ്ങളും ഉള്‍പ്പെടുന്ന പുതിയ പോസ്റ്റര്‍ പുറത്ത് വിട്ടിരിക്കുകയാണ് നിര്‍മാതാക്കള്‍.

 ഹൊറര്‍ ഴോണറിലുള്ള സിനിമയാണ് ശെയ്ത്താന്‍.മാധവന്റെ മുഖമുള്ള പോസ്റ്ററാണ് പുറത്തുവന്നത്. വികാസ് ബഹ്‌ലാണ് ചിത്രം സംവിധാനം ചെയ്യുന്നത്. സുധാകര്‍ റെഡ്ഡി യക്കാന്തിയാണ് ഛായാഗ്രാഹണം. അമിത് ത്രിവേദിയാണ് ശെയ്ത്താന്റെ സംഗീത സംവിധാനം നിര്‍വഹിക്കുന്നത്.

അജയ് ദേവ്ഗണ്‍ നായകനായി ഒടുവില്‍ പ്രദര്‍ശനത്തിന് എത്തിയ ചിത്രമാണ് ഭോലാ. ചിത്രം വന്‍ വിജയമായി മാറിയിരുന്നു.ലോകേഷ് കനകരാജിന്റെ തമിഴ് ഹിറ്റ് ചിത്രം 'കൈതി'യുടെ ഹിന്ദി റീമേക്ക് ആണ് ഈ ചിത്രം.