പ്രേമലു സിനിമയെ പ്രശംസിച്ച് സംവിധായകന്‍ പ്രിയദര്‍ശന്‍. ഇതാണ് യുവാക്കളുടെ ചിത്രമെന്നും വ്യത്യസ്ത തരത്തിലുള്ള ഹ്യൂമര്‍ ആണെന്നും റിയലിസ്റ്റിക്കാണെന്നും അദ്ദേഹം പറഞ്ഞു. സിനിമയിലെ നായിക കഥാപാത്രത്തെ അവതരിപ്പിച്ച നസ്ലിനെ കാണണമെന്നും അഭിനന്ദിക്കണം എന്നും പ്രിയദര്‍ശന്‍ പറഞ്ഞു.
'സൂപ്പര്‍ സിനിമ. ഇതാണ് എന്റര്‍ടെയ്ന്‍മെന്റ്. നല്ല ഫ്രഷ്‌നെസ്. ഇതാണ് യങ്‌സ്റ്റേഴ്‌സ് സിനിമ എന്നു പറയുന്നത്. പയ്യനെ എനിക്കു വളരെ ഇഷ്ടമായി. മികച്ച പ്രകടനമായിരുന്നു. ഇത് വ്യത്യസ്തമായ റിയലിസ്റ്റ് ആയ ഹ്യൂമര്‍ ആണ്. സിനിമ തീര്‍ന്നത് അറിഞ്ഞില്ല. നസ്ലിനെ ഒന്നു കാണണം. കണ്ടിട്ട് ഒന്ന് അഭിനന്ദിക്കണം.
നമ്മുടെ കാലഘട്ടമൊക്കെ കഴിഞ്ഞു. ഇനി പുതിയ പുതിയ ആളുകള്‍ ഇതുപോലുള്ള നല്ല സിനിമകള്‍ എടുക്കട്ടെ. അതാണ് ആവശ്യം. ഇനി എടുക്കലല്ല, ഞങ്ങളൊക്കെ ഇരുന്ന് കാണും. വളരെ മനോഹരമായ സിനിമ',-പ്രിയദര്‍ശന്‍ പറഞ്ഞു.
