'റൗണ്ട് 2, ഇനി പാന്റ്‌സ് പാകമാകില്ല'; രണ്ടാമതും ഗര്‍ഭിണിയായ സന്തോഷ വാര്‍ത്ത അറിയിച്ച് പ്രണിത
ബ്ലാക്ക് സ്ലീവ് ലെസ് ടോപ്പും ഡെനിം ജീന്‍സുമാണ് താരം ധരിച്ചിരിക്കുന്നത്
രണ്ടാമതും ഗര്‍ഭിണിയായ വാര്‍ത്ത ആരാധകരെ അറിയിച്ച് നടി പ്രണിത സുഭാഷ്. ഇന്‍സ്റ്റഗ്രാമിലൂടെയാണ് താരം ഈ സന്തോഷ വാര്‍ത്ത വെളിപ്പെടുത്തിയത്. 'റൗണ്ട് 2...ഇനി പാന്റ്‌സ് പാകമാകില്ല' എന്ന രസികന്‍ അടിക്കുറിപ്പോടെയാണ് പ്രണിത പുതിയ ചിത്രങ്ങള്‍ പങ്കുവെച്ചിരിക്കുന്നത്.
ബ്ലാക്ക് സ്ലീവ് ലെസ് ടോപ്പും ഡെനിം ജീന്‍സുമാണ് താരം ധരിച്ചിരിക്കുന്നത്. ജീന്‍സ് പാന്റ്‌സിന്റെ ഹുക്ക് ഇടാതെയാണ് ചിത്രങ്ങള്‍ക്ക് പ്രണിത പോസ് ചെയ്തത്. താരത്തിന്റെ നിറവയര്‍ ചിത്രങ്ങള്‍ക്കു താഴെ നിരവധി പേരാണ് ആശംസകള്‍ നേര്‍ന്നിരിക്കുന്നത്.
കന്നഡ, തെലുങ്ക്, തമിഴ്, ഹിന്ദി, മലയാളം എന്നീ ഭാഷകളില്‍ അഭിനയിച്ചിട്ടുള്ള പ്രണിത കര്‍ണാടക സ്വദേശിനിയാണ്. 2010 ല്‍ കന്നഡ സിനിമ പോര്‍ക്കിയിലൂടെയാണ് അരങ്ങേറ്റം കുറിച്ചത്. ഈ വര്‍ഷം പുറത്തിറങ്ങിയ ദിലീപ് ചിത്രം തങ്കമണിയില്‍ പ്രണിത അഭിനയിച്ചിട്ടുണ്ട്. സൂര്യ നായകനായ മാസ് എന്ന തമിഴ് ചിത്രത്തിലും പ്രണിത അഭിനയിച്ചു.
നിധിന്‍ രാജുവാണ് പ്രണിതയുടെ ജീവിതപങ്കാളി. ഇരുവര്‍ക്കും ഒരു മകളുണ്ട്.
