യുവതാരം ഉണ്ണി മുകുന്ദനെതിരെ പീഡനം ആരോപിച്ച യുവതി താരത്തിനെതിരെ മൊഴി നൽകി. എറണാകുളം ജ്യുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് യുവതി മൊഴി നൽകിയത്. കേസില്‍ രഹസ്യ വിചാരണയാണ് നടക്കുന്നത്.
2017ലാണ് തനിക്ക് നേരെ ഉണ്ണി മുകുന്ദന്റെ പീഡന ശ്രമം ഉണ്ടായതെന്നാണ് യുവതിയുടെ പരാതി. 23ന് കേസ് വീണ്ടും പരിഗണിക്കും. വിഷയത്തിൽ ഉണ്ണി മുകുന്ദൻ കുടുങ്ങുമെന്നാണ് സൂചന. അതേസമയം, യുവതിയുടെ ആരോപണങ്ങൾ സത്യമല്ലെന്നാണ് താരം പറയുന്നത്.
ഒരു സിനിമയുമായി ബന്ധപ്പെട്ട വിഷയത്തിനു ഉണ്ണി മുകുന്ദന്റെ വീട്ടിൽ എത്തിയ സമയത്താണ് താരം തന്നെ പീഡിപ്പിക്കാൻ ശ്രമിച്ചതെന്നാണ് യുവതി പരാതിയിൽ പറയുന്നത്. ആദ്യം താൻ എതിർത്തെങ്കിലും പിന്നീട് സഹകരിക്കുമെന്നാണ് അയാൾ കരുതിയത്. പക്ഷേ താൻ ബഹളം വെച്ചതോടെ സംഭവം സീരിയസ് ആയെന്ന് ഉണ്ണിക്ക് മനസിലായെന്നും 10 മിനിറ്റിനുള്ളിൽ ആ വീട്ടിൽ നിന്നും ഇറങ്ങിയെന്നുമാണ് യുവതി പരാതിയിൽ പറയുന്നത്.