മോഹൻലാൽ നായകനായി ശ്രീകുമാർ മേനോൻ സംവിധാനം ചെയ്ത ഒടിയനെ കുറിച്ചുള്ള വിവാദത്തിൽ നടി മഞ്ജു വാര്യര്‍ വിഷയത്തില്‍ പ്രതികരിക്കേണ്ട കാര്യമില്ലെന്ന നിലപാടിലാണ് നടി റിമ കല്ലിങ്കൽ. ശ്രീകുമാർ ഉന്നയിക്കുന്ന ആരോപണങ്ങളോട് മഞ്ജു പ്രതികരിക്കേണ്ടതില്ലെന്ന് ഊന്നിപ്പറയുന്നതാണ് റിമയുടെ പുതിയ ഫേസ്ബുക്ക് പോസ്റ്റ്.
ഒടിയന്‍ ചിത്രത്തെ മുന്‍നിര്‍ത്തിയാണ് റിമയുടെ പരാമര്‍ശം. ചിത്രം ഹിറ്റായെങ്കില്‍ ആ വിജയത്തില്‍ നടിക്കു യാതൊരു പങ്കും ഉണ്ടാകില്ലായിരുന്നു എന്നായിരുന്നു റിമ കുറിച്ചത്. പോസ്റ്റിനു കീഴെ ധാരാളം പേര്‍ വിമര്‍ശനം ഉന്നയിച്ചു കഴിഞ്ഞു.
ഒടിയൻ പൊട്ടിയെന്ന് നിങ്ങൾ പറയാതെ പറയുകയാണോയെന്ന് ഒരുകൂട്ടർ ചോദിക്കുമ്പോൾ മറ്റൊരു കൂട്ടർ സ്ത്രീ പ്രാധാന്യമുള്ള സിനിമകളുടെ ലിസ്റ്റെടുത്ത് പറഞ്ഞാണ് റിമയുടെ പോസ്റ്റിനെ പ്രതിരോധിക്കുന്നത്. കന്മദം, മണിച്ചിത്രത്താഴ്, കിലുക്കം, ദേവാസുരം തുടങ്ങിയ ചിത്രങ്ങളുടെ വിജയത്തോടൊപ്പം അവയിലെ നായികമാരുടെ പ്രകടനങ്ങളും എന്നും വാഴ്ത്തപ്പെട്ടിട്ടുണ്ടെന്നും റിമയുടെ തന്നെ 22 ഫീമെയിൽ കോട്ടയവും അക്കൂട്ടത്തിൽ പെടുന്നവയാണെന്നും അത് മറക്കേണ്ടെന്നും ഫാൻസ് പറയുന്നു.