'റോക്കട്രി' റിലീസ്, നടന്‍ മാധവനും സംഘവും കേരളത്തിലേക്ക്, പുതിയ വിവരങ്ങള്‍

നടന്‍ മാധവന്റെ സംവിധാന അരങ്ങേറ്റ ചിത്രമായ 'റോക്കട്രി: ദി നമ്പി ഇഫക്റ്റ്' ജൂലൈ 1 ന് പ്രദര്‍ശനത്തിനെത്തും. സിനിമയുടെ പ്രമോഷന്‍ ജോലികളിലേക്ക് കടക്കുകയാണ് അണിയറ പ്രവര്‍ത്തകര്‍. ഇന്ത്യയിലെ പ്രധാന നഗരങ്ങളിലേക്ക് ടീം എത്തും. ജൂണ്‍ 18ന് മാധവനും സംഘവും കേരളത്തിലേക്ക്.

അഡ്ലക്സ് കണ്‍വെന്‍ഷന്‍ സെന്റര്‍ അങ്കമാലി വെച്ചാണ് പരിപാടി നടത്തുന്നത്. 5 മണിക്ക് തുടങ്ങി 7 മണിക്ക് അവസാനിക്കുന്ന രീതിയിലാണ് പ്രോഗ്രാം.  

ഇവന്റ് സംഘടിപ്പിക്കുകയും നടത്തുകയും ചെയ്യുന്നത് വര്‍ഗീസ് മൂലന്‍സ് ഗ്രൂപ്പാണ്.

നമ്പി നാരായണന്റെ വേഷം ചെയ്യുന്ന മാധവനെ കൂടാതെ സിമ്രാന്‍, രവി രാഘവേന്ദ്ര എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്. ചിത്രത്തിന്റെ തമിഴ് പതിപ്പില്‍ സൂര്യ അതിഥി വേഷത്തില്‍ എത്തുമ്പോള്‍ ഹിന്ദിയില്‍ ഷാരൂഖ് ഖാന്‍ അതിഥി വേഷത്തില്‍ എത്തും.