പുതിയ സിനിമ സെറ്റില്‍ മമ്മൂട്ടി, 'റോഷാക്ക്' കാണാനായി കാത്തിരിപ്പില്‍ ആരാധകര്‍

അഞ്ചുദിവസത്തെ ദുബായ് ചിത്രീകരണം റോഷാക്ക് ടീം ഇക്കഴിഞ്ഞ ദിവസമാണ് പൂര്‍ത്തിയാക്കിയത്. നാട്ടില്‍ തിരിച്ചെത്തിയ ശേഷവും നിര്‍മ്മാതാവ് എന്‍.എം ബാദുഷ സെറ്റിലെ ഓര്‍മ്മകളിലാണ്. ചിത്രീകരണത്തിനായി ലൊക്കേഷനില്‍ എത്തിയ മമ്മൂട്ടിയുടെ ചിത്രം അദ്ദേഹം പങ്കുവെച്ചു. 

ഓണ റിലീസായി ചിത്രം സെപ്റ്റംബര്‍ ആറിന് പ്രദര്‍ശനത്തിന് എത്തുമെന്നാണ് റിപ്പോര്‍ട്ടുകള്‍.നിസ്സാം ബഷീര്‍ സംവിധാനം ചെയ്യുന്ന ചിത്രത്തില്‍ ഷറഫുദ്ദീന്‍, കോട്ടയം നസീര്‍, ജഗദീഷ്, സഞ്ജു ശിവറാം, ഗ്രേസ് ആന്റണി, ബിന്ദു പണിക്കര്‍, ബാബു അന്നൂര്‍, അനീഷ് ഷൊര്‍ണൂര്‍, റിയാസ് നര്‍മ്മകല, ജോര്‍ഡി പൂഞ്ഞാര്‍ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.

മമ്മൂട്ടിയും നിസാം ബഷീറും ആദ്യമായി ഒന്നിക്കുന്ന ഈ ത്രില്ലര്‍ ചിത്രത്തിന് തിരക്കഥ ഒരുക്കുന്നത് അഡ്വഞ്ചഴ്‌സ് ഓഫ് ഓമനക്കുട്ടന്‍, ഇബിലീസ്' തുടങ്ങിയ ചിത്രങ്ങളുടെ തിരക്കഥാകൃത്തായ സമീര്‍ അബ്ദുള്‍ ആണ്.

 നിമീഷ് രവിയാണ് ചിത്രത്തിന്റെ ഛായാഗ്രഹണം. ഗരുഡ ഗമന വൃഷഭ വാഹന എന്ന കന്നഡത്തിലെ സൂപ്പര്‍ഹിറ്റ് ചിത്രത്തിലൂടെ ശ്രദ്ധേയനായ മിഥുന്‍ മുകുന്ദന്‍ ആണ് സംഗീതം നിര്‍വഹിക്കുന്നത്. എന്‍.എം ബാദുഷയാണ് ചിത്രത്തിന്റെ സഹനിര്‍മാതാവ്.