മമ്മൂട്ടിക്കും മോഹൻലാലിനും കഴിയാത്തത് ആ നടന് സാധിക്കുമായിരുന്നു: എസ്.എൻ സ്വാമി

മലയാളത്തിലെ മികച്ച തിരക്കഥാകൃത്തുകളിൽ ഒരാളാണ് എസ്.എൻ സ്വാമി. 40 വർഷത്തിലധികമായി അദ്ദേഹം സിനിമയിലുണ്ട്. മോഹൻലാലിനും മമ്മൂട്ടിക്കുമൊപ്പം അദ്ദേഹം ഒന്നിൽ കൂടുതൽ തവണ വർക്ക് ചെയ്തിട്ടുണ്ട്. ഇപ്പോഴിതാ, നന്നായി അഭിനയിച്ചത് കൊണ്ട് മാത്രം ഒരു സിനിമ ഹിറ്റാക്കില്ലെന്ന് അദ്ദേഹം പറയുന്നു. മമ്മൂട്ടിയും മോഹൻലാലും തനിക്ക് കിട്ടുന്ന കഥാപാത്രങ്ങൾ സേഫാറാക്കാറുണ്ടെങ്കിലും അതുകൊണ്ട് മാത്രം ഒരു സിനിമ വിജയിക്കണമെന്നില്ല എന്നുമാണ് എസ്.എൻ സ്വാമി പറയുന്നത്.

പ്രേം നസീറിനൊക്കെ അതിന് സാധിക്കുമായിരുന്നുവെന്നും, എന്നാൽ ഇന്ന് പ്രേക്ഷകർ മാറിയെന്നുമാണ് അദ്ദേഹം ചൂണ്ടിക്കാട്ടുന്നത്. സിനിമയെ കുറിച്ച് ഇപ്പോഴത്തെ പ്രേക്ഷകർക്ക് ഒരുപാട് കാര്യങ്ങൾ അറിയാമെന്നും അതിനാൽ പ്രേക്ഷകരെ നമുക്ക് പറ്റിക്കാൻ കഴിയില്ലെന്നും സ്വാമി വ്യക്തമാക്കുന്നു. ഒരു സിനിമ വിജയിക്കാൻ  നടന്റെ മാത്രം അഭിനയം മതിയെന്ന രീതിയൊക്കെ പണ്ടായിരുന്നു. നസീറിനൊക്കെ അതിന് കഴിയുമായിരുന്നു. എന്നാൽ, ഇന്ന് കാലം മാറി. ജനങ്ങളുടെ ടേസ്റ്റ് മാറി. സിനിമയെ കുറിച്ചുള്ള എല്ലാ കാര്യങ്ങളും അവർക്കറിയാം.  

അതേസമയം, സ്വാമി ആദ്യമായി സംവിധാനം ചെയ്ത ചിത്രമാണ് സീക്രട്ട്. ധ്യാന്‍ ശ്രീനിവാസന്‍ കേന്ദ്ര കഥാപാത്രത്തെ അവതരിപ്പിച്ച ചിത്രം തിയറ്ററുകളിലെത്തിയത് ജൂലൈയില്‍ ആയിരുന്നു. ഇപ്പോഴിതാ മൂന്ന് മാസങ്ങള്‍ക്ക് ഇപ്പുറം ചിത്രം ഒടിടിയിലേക്ക് എത്തുകയാണ്. മനോരമ മാക്സിലൂടെയാണ് ചിത്രം എത്തുക. എന്നാല്‍ റിലീസ് തീയതി പ്രഖ്യാപിച്ചിട്ടില്ല.