മൂന്നു വർഷത്തോളമുള്ള അഭിനയജീവിതത്തിനിടയിൽ എന്താണ് പ്രധാന നേട്ടം എന്നുചോദിച്ചാല്‍ ഒരുപിടി നല്ല സുഹൃത്തുക്കളെ നേടാനായി എന്നതായിരിക്കും സംയുക്ത വർമ്മയുടെ ഉത്തരം. ഗീതു മോഹന്‍ദാസ്, മഞ്ജു വാര്യര്‍, ഭാവന തുടങ്ങിയവരുമായി അടുത്ത സൗഹൃദമാണ് സംയുക്ത വര്‍മ്മയ്ക്ക്. സമയം കിട്ടുമ്പോൾ ഇവരെല്ലാമായി ഒത്തു കൂടാറുണ്ട്. ആദ്യമായി ഗീതുമോഹൻദാസിനെ കണ്ടതിനെ കുറിച്ച് പറയുകയാണ് സംയുക്താവർമ്മ.
തൻറെ സൗഹൃദങ്ങൾ എല്ലാം സ്ട്രോങ്ങ് ആണെന്നാണ് സംയുക്ത പറയുന്നത്. തെങ്കാശിപട്ടണം എന്ന സിനിമയിൽ സംയുക്തയും ഗീതു മോഹൻദാസും ഒരുമിച്ച് അഭിനയിച്ചിരുന്നു. ഈ സിനിമയിലെ ഷൂട്ടിങ്ങിനിടയിലാണ് ഗീതുമോഹൻദാസുമായി സൗഹൃദത്തിലായതെന്ന് സംയുക്ത വർമ്മ പറയുന്നു. ഈ അടുപ്പം ഇപ്പോഴും തങ്ങൾക്കിടയിൽ ഉണ്ടെന്നും താരം പറയുന്നു.
വിവാഹശേഷം സിനിമയിൽ അത്ര സജീവമല്ലാത്ത സംയുക്ത വർമ്മ സോഷ്യൽ മീഡിയയിലൂടെ വിശേഷങ്ങളെല്ലാം പങ്കിടാറുണ്ട്.
