സ്വന്തം കഴിവിനാല്‍ അറിയപ്പെടുന്ന താര പുത്രിയാണ് സാറ അലിഖാന്‍. ബോളിവുഡില്‍ നിരവധി ആരാധകരുള്ള താരമൂല്യമുള്ള നടിയായി സെയ്ഫ് അലിഖാന്റെ മകള്‍ മാറിക്കഴിഞ്ഞു. നായികയായി അരങ്ങേറ്റം കുറിച്ച് വര്‍ഷങ്ങള്‍ ഒരുപാടൊന്നും ആയിട്ടില്ല. 2018ല്‍ പുറത്തിറങ്ങിയ കേദാര്‍നാഥ്, സിംബ എന്നീ സിനിമകളില്‍ നായികയായി കൊണ്ടാണ് സാറ കരിയര്‍ തുടങ്ങിയത്. നടിയുടെ രണ്ട് സിനിമകളും വിജയമാക്കുകയും ആ വര്‍ഷത്തെ മികച്ച വനിതാ അരങ്ങേറ്റത്തിനുള്ള ഫിലിംഫെയര്‍ അവാര്‍ഡ് സാറയെ തേടി എത്തുകയും ചെയ്തു.
സാറ അലി ഖാന്റെ പുതിയ ചിത്രങ്ങളാണ് സാമൂഹ്യ മാധ്യമങ്ങളില്‍ വൈറലാകുന്നത്. ഇതിന്റെ ഒപ്പംതന്നെ ഒരു വീഡിയോയും സോഷ്യല്‍ മീഡിയയില്‍ പ്രചരിക്കുന്നുണ്ട്.
വേദി ലാക്‌മെ ഫാഷന്‍ വീക്ക്. റാംപില്‍ സ്‌റ്റൈലിഷ് ലുക്കില്‍ നടന്നുനീങ്ങുന്ന നടിയുടെ വീഡിയോയാണ് പുറത്തുവന്നിരിക്കുന്നത്. പുത്തന്‍ ഫാഷന്‍ ട്രെന്‍ഡുകള്‍ മനസ്സിലാക്കാനായി മാത്രം നിരവധി ആരാധകര്‍ താരത്തെ ഫോളോ ചെയ്യുന്നുണ്ട്. ഫാഷന്‍ വീക്കിന്റെ വേദിയില്‍ സാറ താരമാക്കാന്‍ മറ്റൊരു കാരണം കൂടിയുണ്ട്
പൊള്ളലേറ്റ തന്റെ ശരീരഭാഗം മേക്കപ്പ് ഉപയോഗിച്ച് മറക്കാതെ വേദിയിലെത്തിയ താരത്തെ പ്രശംസിച്ചുകൊണ്ട് നിരവധി ആളുകള്‍ എത്തി. വേദിയില്‍ എത്തിയ നടിയെ കാത്തിരുന്നത് നിറഞ്ഞ കയ്യടികളായിരുന്നു.സില്‍വര്‍ ഗൗണാണ് സാറ സ്‌റ്റൈല്‍ ചെയ്തത്. സ്ലീവ്‌ലെസ് ബ്രാലെറ്റ് ടോപ്പാണ് പെയര്‍ ചെയ്തിരിക്കുന്നു.ഇതിന് മാച്ച് ചെയ്ത് സില്‍വര്‍ കമ്മലും ആക്‌സസറൈസ് ചെയ്തിട്ടുണ്ട്.
പുറത്തു കാണുന്ന ശരീരഭാഗങ്ങളില്‍ വരുന്ന ചെറിയ പാടുകള്‍ പോലും മറ്റുള്ളവര്‍ കാണാതെ മറക്കാന്‍ ധൃതി കാട്ടുന്ന സമൂഹത്തിന്റെ മുന്നിലേക്കാണ് പൊള്ളലേറ്റ പാടുങ്ങളുമായി സാറ റാംപില്‍ നടന്നു നീങ്ങിയത്.സാറ ഒരു ശക്തയായ സ്ത്രീയായതു കൊണ്ടാണ് പാടുകള്‍ മറയ്ക്കാതിരുന്നതെന്നാണ് ആരാധകര്‍ സോഷ്യല്‍ മീഡിയയിലൂടെ പറയുന്നത്.
