ഹേമ കമ്മിറ്റി റിപ്പോര്‍ട്ടില്‍ പരാമര്‍ശിച്ചിട്ടുള്ള പവര്‍ ഗ്രൂപ്പ് സത്യമാണെന്ന് നടി ഷക്കീല. മലയാള സിനിമയില്‍ പണ്ടുകാലം മുതല്‍ക്കേ പവര്‍ ഗ്രൂപ്പുണ്ടെന്നും മോഹന്‍ലാലും മമ്മൂട്ടിയും ആയിരുന്നു ഈ പവര്‍ ഗ്രൂപ്പെന്നും ഷക്കീല പറയുന്നു. ഇന്ന് ഈ ഗ്രൂപ്പില്‍ മുകേഷ് ഉണ്ട് എന്നാല്‍ മെയിന്‍ പവര്‍ ഗ്രൂപ്പ് മോഹന്‍ലാലും മമ്മൂട്ടിയും ആണെന്നും ഷക്കീല കൂട്ടിച്ചേര്‍ത്തു. മലയാളത്തില്‍ മാത്രമല്ല അന്യഭാഷ ചിത്രങ്ങളിലും പവര്‍ ഗ്രൂപ്പ് ഉണ്ട്.
പണ്ട് കാലത്ത് വസ്ത്രം മാറാന്‍ സ്ഥലം ഇല്ലായിരുന്നു. അതുകൊണ്ട് തന്നെ മലയുടെയും പുഴയുടെയും അരികില്‍ നിന്നായിരുന്നു വസ്ത്രം മാറിയിരുന്നത്. എന്നാല്‍ ഇന്ന് കാരവന്‍ ഉണ്ട്. അതില്‍ വസ്ത്രം മാറല്‍ മാത്രമാണോ ഇന്ന് നടക്കുന്നത്. അല്ല. ഡിന്നര്‍ നടക്കും സെക്സും നടക്കും.മീടുവിനോട് ശക്തമായി വിയോജിക്കുന്നു.അതിക്രമം ഉണ്ടായി വര്‍ഷങ്ങള്‍ കഴിഞ്ഞ് ആരോപണം ഉയര്‍ത്തുന്നത് ശരിയല്ല. ഉപദ്രവിക്കാന്‍ ആരെങ്കിലും വന്നാല്‍ ചെരിപ്പൂരി അടിക്കണം.
എല്ലാ ഭാഷയിലും സിനിമകളില്‍ സ്ത്രീകള്‍ ചൂഷണം നേരിടുന്നു. എല്ലാ സംസ്ഥാനങ്ങളിലും കമ്മീഷനുകള്‍ വന്നാലും ഇത് മാറാന്‍ പോകുന്നില്ല. നടന്മാരെ ജയിലില്‍ അടച്ചാല്‍ മാത്രമേ പ്രശ്നങ്ങള്‍ക്ക് പൂര്‍ണപരിഹാരം ഉണ്ടാകുകയുള്ളൂവെന്നും ഷക്കീല പറഞ്ഞു.
