ശരണ്യ എന്ന നടിയെ മലയാളികള്‍ ശ്രദ്ധിച്ച് തുടങ്ങിയത് സായിപല്ലവി നായികയായി എത്തിയ ഫിദയിലൂടെയാണ്. സായി പല്ലവിയുടെ സഹോദരിയുടെ വേഷത്തിലാണ് ശരണ്യ ചിത്രത്തില്‍ പ്രത്യക്ഷപ്പെട്ടത്. ഈ കഥാപാത്രം ക്ലിക്ക് ആയെങ്കിലും പിന്നീടുള്ള നടിയുടെ കരിയറിയില്‍ ശ്രദ്ധിക്കപ്പെടുന്ന വേഷങ്ങള്‍ ഒന്നും വന്നിരുന്നില്ല. വര്‍ഷങ്ങള്‍ക്കിപ്പുറം അമ്പാജിപേട്ട് മാര്യേജ് ബാന്റ് എന്ന ചിത്രത്തിലൂടെ നടിക്ക് ഗംഭീര തിരിച്ചുവരവ് ലഭിച്ചിരിക്കുകയാണ്. സുഹാസനാണ് നായകനെങ്കിലും കയ്യടി മുഴുവന്‍ നേടിയിരിക്കുന്നത് ശരണ്യ ആണെന്നാണ് സിനിമാലോകം പറയുന്നത്. നായക കഥാപാത്രത്തിന്റെ ഇരട്ട സഹോദരിയുടെ വേഷത്തിലാണ് ശരണ്യ എത്തിയത്.
സിനിമയിലെ ഒരു പോലീസ് സ്റ്റേഷന്‍ രംഗത്തില്‍ തിയറ്റര്‍ ഇളക്കി മറിയും, അവിടെ നിന്നു ഉയരുന്ന കയ്യടികളും വിസിലടിയും ശരണ്യക്ക് വേണ്ടിയുള്ളതാകും. സിനിമയിലെ ഒരു രംഗത്തില്‍ നഗ്‌നയായി ശരണ്യ അഭിനയിക്കുകയും ചെയ്തു. ആ രംഗത്തില്‍ അഭിനയിച്ചതിനെ കുറിച്ച് സംസാരിക്കുകയാണ് ശരണ്യ.
സംവിധായകന്‍ ആ സീനിനെ കുറിച്ച് പറഞ്ഞപ്പോള്‍ ആദ്യം പേടി തോന്നിയിരുന്നുവെന്നും എന്നാല്‍ ഭര്‍ത്താവ് നല്‍കിയ പിന്തുണയാണ് തന്നെ ഈ കഥാപാത്രം ചെയ്യാന്‍ പ്രേരിപ്പിച്ചതെന്നും ശരണ്യ പറയുന്നു.
'സംവിധായകന്‍ ഈ സീനിനെക്കുറിച്ച് പറഞ്ഞപ്പോള്‍ എനിക്ക് കുറച്ച് പേടി തോന്നിയിരന്നു. ഇത്തരം ഒരു സീനില്‍ മുമ്പ് അഭിനയിച്ചിട്ടില്ല. പക്ഷെ എന്റെ ഭര്‍ത്താവാണ് എന്റെ ഭയം മാറ്റിയതും പിന്തുണ നല്‍കിയത്. വളരെ ശക്തമായ കഥാപാത്രമാണ്. അതിനാല്‍ ധീരമായി തന്നെ ചെയ്യാന്‍ ഭര്‍ത്താവ് ഊര്‍ജ്ജം നല്‍കി. സിനിമയുടെ യൂണിറ്റും വലിയ പിന്തുണയായിരുന്നു. അഞ്ച് പേര്‍ മാത്രമായിരുന്നു ആ സീന്‍ ചിത്രീകരിക്കുമ്പോള്‍ ഉണ്ടായിരുന്നത്. ഡിവിപി, സംവിധായകന്‍, കോസ്റ്റിയും ഡിസൈനര്‍, അസിസ്റ്റന്റ്, പിന്നൊരാളും കൂടെ. വളരെ കംഫര്‍ട്ടബിള്‍ ആയിരുന്നു ഞാന്‍. ആ സീന്‍ വളരെ നന്നായി വന്നത് അവരുടെ സഹകരണം കൊണ്ടാണ്''- ശരണ്യ പറഞ്ഞു.
