‘അയാൾ വന്നെന്നെ കെട്ടിപ്പിടിച്ചു, മുഖത്തൊക്കെ എന്തൊക്കെയോ ചെയ്തു, രാവിലെ മുതൽ രാത്രി വരെ ഇതുതന്നെ പണി’ - വെളിപ്പെടുത്തലുമായി ഷീല
ഷീലയെ കെട്ടിപ്പിടിക്കാനും ഉമ്മ വെയ്ക്കാനും മാത്രമായി സിനിമ എടുത്ത് നിർമാതാവും സംവിധായകനും നായകനുമായൊരാൾ!
മലയാളികളുടെ പ്രിയ നടിയാണ് ഷീല. ഷീലയ്ക്കും സീമയ്ക്കും ഉണ്ടായ ആരാധകവ്രത്തമൊന്നും ഇന്നത്തെ കാലത്തെ നടിമാർക്ക് ആർക്കും തന്നെയില്ല. ഷീലയെ കെട്ടിപിടിക്കാനും ഉമ്മ വെക്കാനും മാത്രമായി സിനിമ നിര്‍മിച്ച, സംവിധാനം ചെയ്ത, അതില്‍ നായകനായി അഭിനയിച്ച വിരുതന്‍ വരെ ഉണ്ട്. ഒരു ചാനല്‍ ഷോയിലാണ് ഷീല തന്റെ മറക്കാനാവാത്ത ആ അനുഭവം പങ്കുവച്ചത്.
അമേരിക്കയില്‍നിന്ന് ഒരാള്‍ ഒരിക്കല്‍ ഒരു സിനിമയെടുക്കണമെന്ന് പറഞ്ഞു വന്നു. അഡ്‌വാന്‍സായി പകുതി തുകയും തന്നു. അയാള്‍ തന്നെയാണു നായകന്‍, സംവിധാനവും നിര്‍മാണവും അയാള്‍ തന്നെ. ഒരു പാട്ടും റെക്കോര്‍ഡ് ചെയ്തു. എവിഎം സ്റ്റുഡിയോയിലാണു ഷൂട്ടിംഗ് നടന്നതെന്ന് ഷീല പറയുന്നു.
‘ആദ്യം ഒരു ആദ്യ രാത്രി സീനാണു ഷൂട്ടു ചെയ്യുന്നത്. കട്ടിലൊക്കെ പൂക്കള്‍ വിതറി റെഡിയാക്കി വച്ചിട്ടുണ്ട്. അയാള്‍ വന്ന് എന്നെ കെട്ടിപ്പിടിച്ചു. മുഖത്തൊക്കെ എന്തൊക്കെയോ ചെയ്യുന്നു. കാലത്ത് പത്തുമണിമുതല്‍ രാത്രി ഒന്‍പതു മണിവരെ ഇതുതന്നെ. ഉച്ചയ്ക്ക് ഊണു കഴിക്കാന്‍ പോലും സമയമില്ല. വീണ്ടും വന്ന് കട്ടിലില്‍ കിടക്കും... കെട്ടിപ്പിടിക്കും.. ഇതല്ലാതെ വേറൊന്നും ഇല്ല’
അടുത്ത ദിവസം ഷൂട്ടിംഗിനു ചെന്നപ്പോള്‍ അയാളെ കാണാനില്ല. ഒരു പാട്ടും ഡയറക്ട്‌ചെയ്ത് എന്നേം കെട്ടിപ്പിടിച്ച് അയാള്‍ അമേരിക്കയ്ക്ക് രാവിലത്തെ വിമാനത്തില്‍ തിരിച്ചുപോയി. അയാളെ ജീവിതത്തില്‍ ഒരിക്കലും പിന്നെ കണ്ടിട്ടില്ല. ഷീലയെ ഒന്നു കെട്ടിപ്പിടിക്കാൻ അയാൾ കണ്ടെത്തിയ മാർഗമാണ് ഇതെന്ന് പിന്നീട് സെറ്റിലുള്ളവർ പറഞ്ഞറിഞ്ഞു.
