നടന്‍ ശിവകാര്‍ത്തികേയന്റെ റിലീസിനൊരുങ്ങുന്ന പുതിയ ചിത്രമാണ് 'ഡോണ്‍'. കോളേജ് പശ്ചാത്തലത്തിലൊരുങ്ങുന്ന കോമഡി എന്റര്‍ടെയ്നര്‍ ആണ് സിനിമ. ഈയടുത്ത് ഫസ്റ്റ് ലുക്ക് നിര്‍മാതാക്കള്‍ പുറത്തിറക്കിയിരുന്നു. ഇപ്പോഴിതാ ഷൂട്ടിംഗ് ലൊക്കേഷനില്‍ നിന്ന് എടുത്ത ചിത്രങ്ങളാണ് സോഷ്യല്‍ മീഡിയയിലൂടെ പുറത്തുവന്നിരിക്കുന്നത്.
പ്രിയങ്ക അരുള്‍ മോഹന്‍ നായിക കഥാപാത്രത്തെ അവതരിപ്പിക്കുന്നു. ചിത്രീകരണം പൂര്‍ത്തിയാക്കിയ സിനിമയുടെ ഡബ്ബിങ് ജോലികള്‍ പുരോഗമിക്കുകയാണ്.
2022 ജനുവരി 26ന് റിപ്പബ്ലിക് ദിനത്തില്‍ ചിത്രം റിലീസ് ചെയ്യും എന്നാണ് റിപ്പോര്‍ട്ടുകള്‍.ഔദ്യോഗിക പ്രഖ്യാപനം പുറത്തുവന്നിട്ടില്ല.സംവിധായകന്‍ അറ്റ്‌ലിയുടെ അസിസ്റ്റന്റ് ഡയറക്ടറായ സിബി ചക്രവര്‍ത്തി ഈ ചിത്രത്തിലൂടെ സ്വതന്ത്ര സംവിധായകനാകുകയാണ്.