ബ്ലോക്ക്ബസ്റ്റര്‍ ഹിറ്റായി ഉണ്ണി മുകുന്ദന്റെ 'ഗരുഡന്‍', രണ്ടാഴ്ചകൊണ്ട് നേടിയ കളക്ഷന്‍ വിവരങ്ങള്‍ പുറത്ത്

'വിടുതലൈ പാര്‍ട്ട് 1', 'കൊട്ടുകാളി' എന്നീ ചിത്രങ്ങള്‍ക്ക് ശേഷം സൂരി പ്രധാന കഥാപാത്രത്തെ അവതരിപ്പിക്കുന്ന മൂന്നാമത്തെ ചിത്രമാണ് 'ഗരുഡന്‍'. 

ദുരൈ സെന്തില്‍കുമാര്‍ സംവിധാനം ചെയ്ത ചെയ്ത ചിത്രം മെയ് 31നാണ് റിലീസ് ചെയ്തത്.

  'ഗരുഡന്‍' രണ്ടാം വാരത്തിലും ശക്തമായ പ്രകടനമാണ് കാഴ്ചവക്കുന്നത്. 12 ദിവസം കൊണ്ട് ലോകമെമ്പാടുമുള്ള തിയേറ്ററുകളില്‍ നിന്നായി 40 കോടി കളക്ഷന്‍ സിനിമ സ്വന്തമാക്കി. ഏറ്റവും കൂടുതല്‍ കളക്ഷന്‍ ലഭിച്ചത് തമിഴ്‌നാട്ടില്‍ നിന്ന് തന്നെയാണ്. 35 കോടിയിലധികം ഇവിടെനിന്ന് നേടി.നിര്‍മ്മാതാക്കള്‍ ഇതിനകം തന്നെ ചിത്രം ബ്ലോക്ക്ബസ്റ്റര്‍ ഹിറ്റായി പ്രഖ്യാപിച്ചിട്ടുണ്ട്.

 സൂരിയെ കൂടാതെ ചിത്രത്തില്‍ ശശികുമാറും ഉണ്ണി മുകുന്ദനും പ്രധാന കഥാപാത്രങ്ങളെ അവതരിപ്പിക്കുന്നു.രേവതി ശര്‍മ്മ, ശിവദ, റോഷിണി ഹരിപ്രിയന്‍, സമുദ്രക്കനി, മീം ഗോപി തുടങ്ങിയവരും അഭിനയിച്ചിരിക്കുന്നു. യുവന്‍ ശങ്കര്‍ രാജയാണ് സംഗീതം.