54 മത് കേരള സംസ്ഥാന ചലച്ചിത്ര പുരസ്‌കാരങ്ങള്‍ പ്രഖ്യാപിച്ചപ്പോള്‍ അവാര്‍ഡുകള്‍ വാരിക്കൂട്ടി ബ്ലെസിയുടെ ആടുജീവിതം. ആടുജീവിതം നേടിയത് ഒന്‍പത് പുരസ്‌കാരങ്ങളാണ്. മികച്ച സംവിധായകന്‍-ബ്ലെസി, മികച്ച നടന്‍-പൃഥ്വിരാജ്, ജനപ്രിയ ചിത്രം, മികച്ച അവലംബിത തിരക്കഥ, മേക്കപ്പ് ആര്‍ട്ടിസ്റ്റ് -രഞ്ജിത്ത് അമ്പാടി, ശബ്ദ മിശ്രണം -റസൂല്‍ പൂക്കുട്ടി, പ്രത്യേക ജൂറി പുരസ്‌കാരം-ഗോകുല്‍, ഛായാഗ്രഹണം-സുനില്‍ കെ എസ്, പ്രോസസിംഗ് ലാബ് കളറിങ്- വൈശാഖ് ശിവ ഗണേശ് എന്നിവയാണ് ആടുജീവിതത്തിന് ലഭിച്ച പുരസ്‌കാരങ്ങള്‍.
അതേസമയം പുരസ്‌കാരം ലഭിച്ചതില്‍ അതിയായ സന്തോഷമുണ്ടെന്ന് നടന്‍ പൃഥ്വിരാജ് പറഞ്ഞു. അഭിനയത്തിനുള്ള പ്രത്യേക പരാമര്‍ശം മൂന്നു പേര്‍ക്കാണ് ലഭിച്ചത്. സുധി കോഴിക്കോടിന് കാതലിലെ അഭിനയത്തിനും പ്രത്യേക പരാമര്‍ശം ലഭിച്ചു.
