കാസ്റ്റിംഗ് കൗച്ച് അനുഭവം തുറന്നുപറഞ്ഞ് സ്വര ഭാസ്‌കര്‍
കാസ്റ്റിംഗ് കൗച്ച് അനുഭവം തുറന്നുപറഞ്ഞ് സ്വര ഭാസ്‌കര്‍
കുറച്ച് ദിവസങ്ങൾക്ക് മുമ്പ് സ്വര ഭാസ്‌ക്കറായിരുന്നു ബോളിവുഡിലെ ചർച്ച. ഇപ്പോൾ തനിക്ക് നേരിടേണ്ടി വന്ന ദുരാനുഭവം തുറന്നുപറഞ്ഞ് വീണ്ടും ബോളിവുഡ് നടി സ്വര ഭാസ്‌കർ ചർച്ചയായിരിക്കുകയാണ്‍. ബോളിവുഡിലെ ഒരു വലിയ പ്രൊഡ്യൂസറുടെ മാനേജരാണ് തന്നോട് മോശമായി പെരുമാറിയതെന്ന് നടി വെളിപ്പെടുത്തി.
“എന്നെ കണ്ടതു മുതല്‍ അയാളുടെ നോട്ടം ഏതോ വസ്തുവിനെ നോക്കുന്നത് പോലെയായിരുന്നു. പെട്ടെന്ന് അയാള്‍ ചാടിയെഴുന്നേറ്റ് എന്റെ ചെവിയില്‍ ചുംബിക്കാന്‍ ശ്രമിച്ചു. ഐ ലവ് യു ബേബി എന്ന് തുടര്‍ച്ചയായി പറഞ്ഞു കൊണ്ടിരുന്നു. അയാളുടെ വായില്‍ നിറയെ എന്റെറ മുടിയായിരുന്നു. ആ സാഹചര്യത്തെ എങ്ങനെ നേരിട്ടുവെന്ന് എനിക്ക് മാത്രമേ അറിയൂ. അവിടെ നിന്ന് ഓടിപ്പോരുകയായിരുന്നു എന്ന് വേണമെങ്കില്‍ പറയാം”- സ്വര പറഞ്ഞു.
“ഹോളിവുഡില്‍ സംഭവിച്ചത് പുറത്തു പറയാന്‍ ഒരുപാട് സമയം എടുത്തു. നടിമാർ തുറന്നുപറയുമ്പോൾ അവർ പബ്ലിസിറ്റിക്ക് വേണ്ടി ശ്രമിക്കുകയാണെന്ന് ചിത്രീകരിക്കാൻ ശ്രമിക്കുകയല്ല വേണ്ടത്" എന്നും സ്വര വ്യക്തമാക്കി.
