കീര്‍ത്തി സുരേഷിന് സിനിമകള്‍ കുറയുന്നു ? കാരണം താരത്തിന്റെ ഉയര്‍ന്ന പ്രതിഫലം !

ഇന്ത്യന്‍ സിനിമയില്‍ ഇന്ന് ഏറ്റവും കൂടുതല്‍ പ്രതിഫലം വാങ്ങുന്ന നടിമാരില്‍ ഒരാളാണ് കീര്‍ത്തി സുരേഷ്. താരത്തിന്റെ ഉയര്‍ന്ന പ്രതിഫലം കാരണം പല നിര്‍മ്മാതാക്കളും കീര്‍ത്തിക്ക് പകരം ആളുകളെ ആലോചിക്കുകയാണെന്നും റിപ്പോര്‍ട്ടുകളുണ്ട്. തെലുങ്ക് സിനിമയില്‍ നടിക്ക് അവസരം കുറയുകയാണെന്നാണ് കേള്‍ക്കുന്നത്. യുവനടന്മാര്‍ക്കൊപ്പമുള്ള നടിയുടെ സിനിമകള്‍ ചര്‍ച്ച ചെയ്യപ്പെടുന്നുണ്ടെങ്കിലും പ്രതിഫലത്തിന്റെ കാര്യത്തിലേക്ക് എത്തുമ്പോള്‍ താങ്ങാന്‍ ആവുന്നില്ല എന്നാണ് ചിലര്‍ ചൂണ്ടിക്കാണിക്കുന്നത്.2.25 കോടിയാണ് ഒരു സിനിമയില്‍ അഭിനയിക്കാന്‍ കീര്‍ത്തി സുരേഷ് വാങ്ങുന്നത്.

ബോല ശങ്കര്‍ എന്ന തെലുങ്ക് സിനിമയില്‍ ചിലഞ്ജീവിയുടെ സഹോദരി കഥാപാത്രത്തെ അവതരിപ്പിക്കാന്‍ കീര്‍ത്തി സുരേഷ് 2.2 5 കോടി രൂപ പ്രതിഫലമായി വാങ്ങിയിരുന്നു. സോഷ്യല്‍ മീഡിയയിലും സജീവമായ താരത്തിന് നിരവധി ഫോളോവേഴ്‌സ് ഉണ്ട്. ഒരു ഇന്‍സ്റ്റഗ്രാം പോസ്റ്റിന് കീര്‍ത്തി 25 ലക്ഷത്തിലധികം തുക വാങ്ങുന്നുണ്ടെന്നാണ് റിപ്പോര്‍ട്ടുകള്‍. നടിയുടെ ആസ്തി എത്രയാണെന്ന് അറിയാമോ ?

 41 കോടിയാണ് കീര്‍ത്തി സുരേഷിന്റെ ആസ്തി. മാസ വരുമാനം 35 ലക്ഷം ആണെന്നാണ് വിവരം. പ്രതിവര്‍ഷ വരുമാനം 4 കോടിയോളം വരും. പരസ്യ ചിത്രങ്ങളില്‍ നിന്നും 30 ലക്ഷത്തോളം വരുമാനം നടിക്കുണ്ട്.റിലയന്‍സ് ട്രെന്‍ഡ്സ്, ഉഷ ഇന്റര്‍നാഷണല്‍, ജോസ് ആലുക്കാസ് തുടങ്ങി പ്രമുഖ ബ്രാന്‍ഡുകളുടെ ബ്രാന്‍ഡ് അംബാസഡര്‍ താരം.