ടൊവിനോ തോമസിന്റെ പിറന്നാളാണിന്ന്. പിറന്നാൾ ദിനത്തിൽ ആരാധകർക്ക് കിടിലൻ സർപ്രൈസുമായി എത്തിയിരിക്കുകയാണ് ടൊവിനോ. ടോവിനോയുടെ പുതിയ ചിത്രം മറഡോണയുടെ ഫസ്റ്റ്ലുക് പോസ്റ്റർ അണിയറ പ്രവർത്തകർ പുറത്തു വിട്ടു. തന്റെ ഫെയ്‌സ്ബുക്കിലൂടെ ‘ടോവിനോ തന്നെയാണ് പോസ്റ്റര്‍ പങ്കു വച്ചിരിയ്ക്കുന്നത്.
നവാഗതനായ വിഷ്ണു നാരായണനാണ് ചിത്രം സംവിധാനം ചെയ്യുന്നത്. നടന്‍ ധനുഷിന്റെ ഉടമസ്ഥതയിലുള്ള വണ്ടര്‍ബാര്‍ ഫിലിംസാണ് ചിത്രം നിര്‍മ്മിക്കുന്നത്. നിലവില്‍ പോസ്റ്റ് പ്രൊഡക്ഷന്‍ ഘട്ടത്തിലാണ് മറഡോണ. നേരത്തേ ടൊവിനോയുടെ തന്നെ ചിത്രമായ തരംഗവും നിർമിച്ചത് ധനുഷ് ആയിരുന്നു.
മറഡോണ എന്ന പേരാണ് ചിത്രത്തിനെങ്കിലും പേരില്‍ മാത്രമേ ഉള്ളുവെന്നും അത് ചിത്രത്തിലെ കഥാപാത്രത്തിന്റെ പേര് മാത്രമാണെന്നും മുന്‍പ് സംവിധായകന്‍ വ്യക്തമാക്കിയിരുന്നു. ചെമ്പന്‍ വിനോദ് ആണ് മറ്റൊരു ശക്തമായ കഥാപാത്രത്തെ അവതരിപ്പിക്കുന്നത്. അങ്കമാലി ഡയറീസ് ഫെയിം ടിറ്റോ വില്‍സണ്‍, കിച്ചു വര്‍ക്കി, ബെര്‍ജര്‍ പട്ടേല്‍, നിഷ്തര്‍ അഹമ്മദ്, ലിയോണ, ജിന്‍സ് ഭാസ്‌കര്‍, നിരഞജന്‍ എന്നിവരാണ് മറ്റു താരങ്ങള്‍.