Publish Date: Mon, 10 Sep 2018 (14:14 IST)
Updated Date: Mon, 10 Sep 2018 (14:19 IST)
ടൊവിനോ തോമസ് നായകനായ തീവണ്ടി തിയേറ്ററുകളിൽ കുതിക്കുകയാണ്. ചിത്രം വമ്പന് ഹിറ്റിലേക്ക് നീങ്ങുന്നു. മലയാള സിനിമാചരിത്രത്തിലാദ്യമായി ഒരു ദിവസം ഒരു തിയേറ്ററില് 18 ഷോകള് വരെയാണ് നടത്തുന്നതെന്ന് അണിയറപ്രവര്ത്തകര് വെളിപ്പെടുത്തുന്നു.
മികച്ച പ്രതികരണമാണ് എങ്ങുനിന്നും സിനിമയ്ക്ക് ലഭിക്കുന്നത്. സിനിമയിലെ അഭിനേതാക്കളെല്ലാം അവര് അവതരിപ്പിച്ച കഥാപാത്രങ്ങളോട് പൂര്ണ്ണമായും നീതി പുലര്ത്തിയിട്ടുണ്ട്. ചിത്രത്തില് പുതുമുഖ നടി സംയുക്ത മേനോനാണ് നായിക.
തൊഴില്രഹിതനായ ബിനീഷ് എന്ന കഥാപാത്രത്തെയാണ് ടൊവിനോ അവതരിപ്പിക്കുന്നത്. ബിനീഷ് എന്ന ബിഡിയെ ടൊവിനോ ഭംഗിയായി കൈകാര്യം ചെയ്തു. ടൊവിനോയ്ക്കു പുറമെ സുരാജ് വെഞ്ഞാറമൂടും ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. സൈജു കുറുപ്പ്, സുരഭി ലക്ഷ്മി, സുധീഷ് തുടങ്ങിയവരാണ് ചിത്രത്തില് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
