കത്രീനയുടേയും വിക്കിയുടേയും ബെഡ്‌റൂമില്‍ ആറ് ലക്ഷം രൂപയുടെ ടോയ്‌ലറ്റ്, റിമോര്‍ട്ട് കണ്‍ട്രോള്‍ വഴി ക്രമീകരണം; വീഡിയോ

വിക്കി കൗശല്‍-കത്രീന കൈഫ് വിവാഹവുമായി ബന്ധപ്പെട്ട വാര്‍ത്തകളാണ് ഇപ്പോള്‍ ബോളിവുഡ് സിനിമാ ലോകം ചര്‍ച്ച ചെയ്യുന്നത്. ഡിസംബര്‍ ഒന്‍പത് വ്യാഴാഴ്ചയായിരുന്നു ഇരുവരുടേയും വിവാഹം. വ്യാഴാഴ്ച ഉച്ചകഴിഞ്ഞ് 3.30 നും 3.45 നും ഇടയിലുള്ള ശുഭമുഹൂര്‍ത്തത്തിലാണ് കത്രീനയുടെ കഴുത്തില്‍ വിക്കി താലി കെട്ടിയത്. കോവിഡ് മാനദണ്ഡ പ്രകാരമായിരുന്നു ചടങ്ങുകള്‍. രാജസ്ഥാനിലെ സവായ് മധോപൂര്‍ ജില്ലയിലുള്ള സിക്സ് സെന്‍സസ് ഫോര്‍ട്ട് ബര്‍വാര റിസോര്‍ട്ടിലാണ് വിവാഹം നടന്നത്.

വിവാഹ ആഘോഷം നടന്ന ഫോര്‍ട്ട് ബര്‍വാരയിലെ റിസോര്‍ട്ടിനെ കുറിച്ചുള്ള വാര്‍ത്തകള്‍ നേരത്തെ പുറത്തുവന്നിരുന്നു. ഒരു ദിവസത്തിനു ലക്ഷങ്ങള്‍ വാടക നല്‍കിയാണ് താരങ്ങള്‍ തങ്ങളുടെ വിവാഹം ഈ റിസോര്‍ട്ടില്‍ നടത്തിയത്. ഫോര്‍ട്ട് ബര്‍വാരയില്‍ കത്രീനയും വിക്കിയും താമസിച്ച ആഡംബര സ്യൂട്ട് മുറിയെ കുറിച്ചുള്ള വിവരങ്ങളാണ് ഇപ്പോള്‍ പുറത്തുവരുന്നത്. വിക്കി കൗശലിന്റെ കസിന്‍ ഡോ.ഉപാസന വോഹ്രയും അവരുടെ ഭര്‍ത്താവ് അരുണേന്ദ്ര കുമാറുമാണ് വിക്കിയുടേയും കത്രീനയുടേയും ബെഡ് റൂം ദൃശ്യങ്ങള്‍ പുറത്തുവിട്ടത്. ബെഡ്‌റൂമിലുള്ള റിമോര്‍ട്ട് സെന്‍സറിലൂടെ പ്രവര്‍ത്തിക്കുന്ന ടോയ്‌ലറ്റിന് ഏകദേശം ആറ് ലക്ഷം രൂപ വിലയുണ്ടെന്നാണ് വീഡിയോയില്‍ പറയുന്നത്.