മുന്‍ കാമുകി ഹര്‍ലീന്‍ സേതിയെ വിക്കി കൗശാല്‍ വിവാഹത്തിനു ക്ഷണിച്ചിട്ടില്ല

വിക്കി കൗശാല്‍-കത്രീന കൈഫ് വിവാഹത്തെ കുറിച്ചുള്ള വാര്‍ത്തകളാണ് ബോളിവുഡ് സിനിമാ ലോകത്തെ ചൂടുപിടിപ്പിക്കുന്നത്. ഡിസംബര്‍ ഒന്‍പതിനാണ് ഇരുവരുടേയും വിവാഹം നടക്കുകയെന്നാണ് റിപ്പോര്‍ട്ട്. ഏകദേശം 120 അതിഥികളെയാണ് താരങ്ങള്‍ വിവാഹ ആഘോഷ പരിപാടികളിലേക്ക് ക്ഷണച്ചിരിക്കുന്നത്. അതില്‍ സിനിമാ രംഗത്ത് നിന്നുള്ള പ്രമുഖരാണ് കൂടുതലും. 

തന്റെ മുന്‍ കാമുകി ഹര്‍ലീന്‍ സേതിയെ വിവാഹം ക്ഷണിക്കാന്‍ വിക്കി കൗശാല്‍ തയ്യാറായിട്ടില്ലെന്നാണ് ഇപ്പോള്‍ പുറത്തുവരുന്ന വാര്‍ത്ത. മുന്‍ കാമുകന്‍മാരായ സല്‍മാന്‍ ഖാന്‍, റണ്‍ബീര്‍ കപൂര്‍ എന്നിവരെ കത്രീന കൈഫും ഒഴിവാക്കിയിട്ടുണ്ട്. ഹര്‍ലീന് വിക്കി ഇതുവരെ ക്ഷണക്കത്ത് അയച്ചിട്ടില്ലെന്നാണ് പ്രമുഖ മാധ്യമങ്ങള്‍ റിപ്പോര്‍ട്ട് ചെയ്യുന്നത്. മുന്‍ കാമുകന്‍മാരേയും കാമുകിമാരേയും വിവാഹ ആഘോഷ ചടങ്ങില്‍ നിന്ന് ഒഴിവാക്കാമെന്ന് വിക്കിയും കത്രീനയും ഒന്നിച്ചാണ് തീരുമാനിച്ചതെന്ന് റിപ്പോര്‍ട്ടുകളുണ്ട്. വിക്കി കൗശാലും ഹര്‍ലീനും ഏകദേശം രണ്ട് വര്‍ഷത്തോളം ഡേറ്റിങ്ങില്‍ ആയിരുന്നു. പിന്നീട് ആ ബന്ധം തകരുകയായിരുന്നു. 

ഡിസംബര്‍ ഏഴ് മുതല്‍ 10 വരെയാണ് കത്രീനയുടേയും വിക്കിയുടേയും വിവാഹ ആഘോഷ ചടങ്ങുകള്‍ എന്നാണ് റിപ്പോര്‍ട്ട്. രാജസ്ഥാന്‍ സവായ് മഥോപൂര്‍ ജില്ലയിലെ സിക്‌സ് സെന്‍സസ് ബര്‍വാര ഹോട്ടലിലാണ് കത്രീനയുടേയും വിക്കിയുടേയും വിവാഹം.